ឯកឧត្តម ឧត្តមសេនីយ៍ឯក ហ៊ុន ម៉ានិត ប្រធានគណៈកម្មាធិការអចិន្ត្រៃយ៍ នៃសមាគម សិស្ស និស្សិត បញ្ញវន្តក្មេងវត្ត • ឯកឧត្តមអនុប្រធាន ថ្នាក់ដឹកនាំគ្រប់លំដាប់ថ្នាក់ ព្រមទាំងសមាជិក សមាជិកាទាំងអស់ សមាគម សិស្ស និស្សិត បញ្ញវន្តក្មេងវត្

 

            《របាយការណ៍សង្ខេប》

                 សូមគោរពជម្រាបជូន៖

• ឯកឧត្តម ឧត្តមសេនីយ៍ឯក ហ៊ុន ម៉ានិត ប្រធានគណៈកម្មាធិការអចិន្ត្រៃយ៍ នៃសមាគម សិស្ស និស្សិត បញ្ញវន្តក្មេងវត្ត
• ឯកឧត្តមអនុប្រធាន ថ្នាក់ដឹកនាំគ្រប់លំដាប់ថ្នាក់ ព្រមទាំងសមាជិក សមាជិកាទាំងអស់ មេត្តាជ្រាបថា៖

》កាលពីថ្ងៃអាទិត្យ ៣រោច ខែមិគសិរ ឆ្នាំខាល
ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១១ ខែធ្នូ ឆ្នាំ២០២២ ឯកឧត្តមបណ្ឌិត ម៉ិញ បានកុសល ប្រធានសមាគម សិស្ស និស្សិត បញ្ញវន្តក្មេងវត្ត តំណាងដ៏ឧត្តុង្គឧត្តមរបស់ ឯកឧត្តម ហ៊ុន ម៉ានិ​ត នាយរងខុទ្ទកាល័យ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានដឹកនាំក្រុមការងារផ្សព្វផ្សាយ និងទំនាក់ទំនងសាធារណៈ នៃសមាគម សិស្ស និស្សិត បញ្ញវន្តក្មេងវត្តចូលរួម "កិច្ចប្រជុំសិក្ខាសាលាបច្ចេកទេសប្រចាំឆ្នាំលើការងារផ្សព្វផ្សាយ និងទំនាក់ទំនងសាធារណៈ ប្រធានបទ៖ ការបង្កើតសារ បញ្ជូនសារ និងឥទ្ធិពលនៃ(សារ)ព័ត៌មានលើសង្គមយុវជន" ក្រោម​សហអធិបតីភាពដ៏​ខ្ពង់ខ្ពស់បើកកម្មវិធីដោយ ឯកឧត្តម ហ៊ុន ម៉ានី, ប្រធានសហភាពសហព័ន្ធយុវជនកម្ពុជា និងបិទដោយ  ឯកឧត្តម ខៀវ កាញ្ញារិទ្ធ  រដ្ឋមន្រ្តីក្រសួងព័ត៌មាន ដែលមានអត្ថន័យសំខាន់ៗ ដូចតទៅ៖

១. ចំណាប់ផ្តើមសេចក្តីនៃកិច្ចស្វាគមន៍របស់ ឯកឧត្តមបណ្ឌិត សោម រតនា ប្រធានក្រុមការងារផ្សព្វផ្សាយ និងទំនាក់ទំនងសាធារណៈ នៃ​គណៈកម្មាធិការកណ្តាល ស.ស.យ.ក. ។

២. ប្រសាសន៍សំណេះសំណាល និងបើកអង្គសិក្ខាសាលាដោយ ឯកឧត្តម ហ៊ុន ម៉ានី ដែលបង្កប់នូវខ្លឹមសារដ៏ទូលំទូលាយប្រកបដោយគុណភាពចិត្តសាស្ត្រស្នេហាជាតិ សាសនា  និងព្រះមហាក្សត្រ យ៉ាងជ្រាលជ្រៅបំផុត តាមរយៈ (i) បុព្វបទនៃការតម្កល់ផលប្រយោជន៍ជាតិជាធំ  (ii) ការគិតគូរវែងឆ្ងាយ និងមានភាពប្រាកដនិយមចំពោះភាពជាអ្នកដឹកនាំដែលមានសក្តានុពលដើម្បីបុព្វហេតុជាតិមាតុភូមិ (iii) ការទទួលខុសសង្គមរបស់អ្នកសារព័ត៌មាន ទាំងអ្នកសារព័ត៌មានអាជីព និងអ្នកសារព័ត៌មានមហាជនទូទៅ ។

៤. ការចែករំលែកនូវបទពិសោធន៍ក្នុងបទបង្ហាញលើប្រធានបទរួម៖ ការបង្កើតសារ បញ្ជូនសារ និងឥទ្ធិពល(សារ)ព័ត៌មានលើសង្គមយុវជន សម្របសម្រួលដោយ លោកស្រី នុត ក្លារ៉ា ដែលប្រធានបទទី១៖ ការបង្កើតសារ ដោយ លោក លាង ដឺលុច នាយក ប្រតិបត្តិសារព័ត៌មានថ្មី ថ្មី, ប្រធានបទទី២៖ ការបញ្ជូនសារ ដោយ លោកបណ្ឌិត ហេង ភក្តី ប្រធានផ្នែកគោលនយោបាយសារធារណៈរបស់ក្រុមហ៊ុន Meta, និងដោយ កញ្ញា ធៀន ជូ ជូ ប្រធានផ្នែកគ្រប់គ្រងគោលនយោបាយសាធារណៈថ្នាក់តំបន់របស់ក្រុមហ៊ុន TIKTOK, ហើយប្រធានបទទី៣៖ ឥទ្ធិពលនៃ(សារ)ព័ត៌មានលើសង្គមយុវជន ដោយ ឯកឧត្តម នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន ។

៥. សំណួរចម្លើយរវាងក្រុមការងារផ្សព្វផ្សាយ  និងទំនាក់ទំនងសាធារណៈ នៃ ស.ស.យ.ក. ដែលបានអញ្ជើញមកតាមវិស័យ បណ្តាស្ថាប័ន អង្គភាព រាជធានីខេត្ត ជាមួយនិងវាគ្មិនកិត្តិយសទាំង៤រូបខាងលើ ។

៦. វចនាសាសន៍ដ៏វិសេសវិសាលរបស់ ឯកឧត្ដម ខៀវ កាញ្ញារិទ្ធ ដែលបានសង្កត់ធ្ងន់លើសាមគ្គីភាព ភាតរភាពចូលរួមបំពងសំឡេង និងបុរេសកម្មឡៃក៍ (Like) ស៊ែរ (Share) ដើម្បីផ្សព្វផ្សាយបន្តប្រកបដោយភាពម្ចាស់ការ មនសិការជាតិក្នុងការពង្រឹងនូវសមត្ថភាពបណ្តាញសារព័ត៌មានកម្ពុជាកាន់តែប្រសើរឡើងបន្តការពារថែរក្សា សន្តិភាព ស្ថិរភាព និងវិបុលភាពសង្គម ។

៧. ផ្សេងៗ ។

》កិច្ចពិភាក្សាបានបញ្ចប់ដោយភាពក្អាកក្អាយ សប្បាយរីករាយ ការថតរូបអនុស្សាវរីយ៍ និងអាហារសាមគ្គីដើម្បីថ្លែងអំណរគុណដល់អ្នកសារព័ត៌មានទាំងឡាយ យ៉ាងអធិកអធមក្រៃលែង ។

🙏💞🇰🇭
☆អរគុណសន្តិភាព អរគុណសម្តេចពុកម៉ែ
☆អរគុណគណបក្សប្រជាជនកម្ពុជា
☆អរគុណឯកឧត្ដមហ៊ុនម៉ាណែត
☆អរគុណឯកឧត្ដមហ៊ុនម៉ានិត
☆អរគុណឯកឧត្ដមហ៊ុនម៉ានី
☆អរគុណស.ស.យ.ក.
☆អរគុណស.ស.ន.ប.វ.

អាស្រ័យដូចបានគោរពជម្រាបជូនខាងលើ សូម ឯកឧត្តមមេ ឯកឧត្តមថ្នាក់ដឹកនាំ និងសមាជិក សមាជិកាទាំងអស់ របស់សមាគម សិស្ស និស្សិត បញ្ញវន្តក្មេងវត្ត មេត្តាជ្រាបជារបាយការណ៍ដ៏ខ្ពង់ខ្ពស់បំផុត ៕

☆ស្មោះត្រង់ បម្រើ ការពារ និងគាំទ្រមហាគ្រួសារសម្តេចតេជោសែនអច្ឆរិយ និងមហាគ្រួសារគណបក្សប្រជាជនកម្ពុជា ជារៀងរហូត និងតគ្រប់ជំនាន់🇰🇭
☆ក្រុមការងារបញ្ញវន្តក្មេងវត្ត ឯកឧត្តម ខិញ ហង្សហួន