ហួសចិត្ត លោក ឡុង គឹមស្រូ ម្ចាស់គ្រឿងចក្រអេស្កាបូទ័រ ខ្លាំងមែនហ៊ានហ៊ានយកគ្រឿងចក្រទៅឈូសឆាយយកដីព្រៃរបស់រដ្ឋជាច្រើនហិត ដែលស្ថិតនៅចំណុច វាលបុសតាខុន រឺហៅថា ត្រពាំងព្រៃរងាវកក់ ភូមិ កាកោះ ឃុំ ល្វែងប្ញស្សី ស្រុក ជីក្រែងខេត្ត សៀមរាប។ មិនត្រឹមតែប៉ុណ្ណោះហ៊ានបំពានអនុសាសន៍របស់សម្ដេចទៀត

 

ខេត្តសៀមរាប៖  ថ្ងៃទី20 ខែកក្កដាឆ្នាំ 2023
មានសេចក្ដីរាយការណ៍ពីប្រជាពលរដ្ឋដែលរស់នៅក្នុង ភូមិ កាកោះ ឃុំ ល្វែងប្ញស្សី ស្រុកជីក្រែង បានលួចតេសិបប្រាប់ដល់សារព័ត៌មានយើងថា តើលោក ឡុង គឹមស្រូ មានខ្នងមានខ្សែប៉ុណ្ណាបានជាហ៊ានបំពានអនុសាសន៍របស់សម្ដេច ហ៊ានបំពានយកគ្រឿងចក្រឈូសឆាយយកដីព្រៃរបស់រដ្ឋដែលជាគម្របព្រៃឈើជាច្រើនហិតមួយកន្លែងដែលស្ថិតនៅចំណុចវាលបុសតាខុន ភូមិ កាកោះ ឃុំ ល្វែងប្ញស្សី ស្រុក ជីក្រែងខេត្ត សៀមរា។ ប្រជាពលរដ្ឋបានលួចបន្តសិបប្រាប់ថាព្រៃនេះគឺមានព្រៃសេសសល់ច្រើនដែលមិនមានប្រជាពលរដ្ឋណាម្នាក់ធ្លាប់អាស្រ័យផលនោះទេ។ពួកគាត់ស្ទើរតែមិនហ៊ានហាមាត់និយាយអ្វីទេម្នាក់ៗខ្លាចសិទ្ធអំណាចគេនិងបក្សពួករបស់គេ បានត្រឹមរាយការណ៍ប្រាប់អ្នកសារព័ត៍ថា លោក ឡុង គឹមស្រូ យកគ្រឿងចក្រទៅឈូសឆាយដីព្រៃនេះច្រើនថ្ងៃមកហើយ ប្រហែលជាត្រូវរ៉ូវជាមួយមន្ត្រីជំនាញហើយមើលទៅ មួយទៀតដូចពាក្យចាស់លោកថាត្រីងៀតឆ្លៀតពងនៅពេលដែលមន្ត្រីជាប់រវល់ដៃការងារបោះឆ្នោតជ្រើសរើសតំណាងរាស្ត្រនីតិកាលទី 7ទើប លោក ឡុង គឹមស្រូ ហ៊ានយកគ្រឿងចក្រទៅឈូសឆាយយកដីព្រៃរបស់រដ្ឋបែបនេះ ជាពិសេស ជាមួយមន្ត្រីមេព្រៃជីក្រែងហើយមើលទៅ ដែលមានស្នាក់ការគ្រប់គ្រង់ដោយ លោក វង្ស សំាង សំរិត ហៅ លោក ហុង ដា នាយសង្កាត់រដ្ឋបាលព្រៃឈើជីក្រែងបានជាហ៊ានធ្វើយ៉ាងរំភើយបែបនេះ។

បើតាមការសម្ភាសន៍ពីភ្នាក់ងារយើងជាមួយអ៊ុំចំណាស់ម្នាក់ដែលមិនបញ្ចេញឈ្មោះនៅតំបន់នោះបានប្រាប់ថាតំបន់នេះពីមុនមកសុទ្ធតែព្រៃទេ ទើបតែ 1ឆ្នំា 2 ឆ្នាំនេះទេដែលជនខឹលខូចអ្នកមានលុយមានអំណាចឈូសឆាយយកឡើងស្រឡះអស់ ហើយគាត់បានបញ្ជាក់ទៀតថាដីព្រៃនេះគឺជាដីរបស់រដ្ឋទៀតផង ។

បន្ទាប់មកទៀតភ្នាក់ងារសារព័ត៌មានយើងបានទំនាក់ទំនងសួរទៅលោក មេឃុំ ល្វែងប្ញស្សី លោកបានប្រាប់តាមរយះទូរស័ព្ទមកដូច្នេះថាលោកមិនអោយ បុគ្គលណាឈួសឆាយដីព្រៃរបស់ រដ្ឋឡើយ  បុគ្គលដែលហ៊ានបំពានដីព្រៃរបស់រដ្ឋ ត្រូវទទួលខុសត្រូវចំពោះមុខច្បាប់ជាដាច់ខាត ។

ក្រុមការងារយើងក៏បានតេទៅសាកសួរលោក វង្ស សំាងសំរិត នាយសង្កាត់រដ្ឋបាលព្រៃឈើជីក្រែងទៀតដែរប៉ុន្តែខលចូលហើយលោកមិនលើកទូរស័ព្ទទៅវិញលើសពីនេះទៅទៀតក្រុមការងារយើងក៏បានរាយការណ៍ជូនតាមរយៈ telegram របស់លោកវង្ស សំាងសំរិតបលោកមិនចូលមើលហើយតបមកវិញទៀត។

សូមបញ្ជាក់ថាដីព្រៃដែលលោក ឡុង គឹមស្រូយកគ្រឿងចក្រអេស្កាវ៉ាទ័រទៅឈូសឆាយទន្ទ្រានយកគឺស្ថិតនៅចំណុច វាលបុសតាខុន ភូមិ កាកោះ  ឃុំ ល្វែងប្ញស្សីស្រុក ជីក្រែង ខេត្តសៀមរាប។
  ជាក់ស្ដែងអ្នកសារព័ត៌មានយើងបានចុះទៅថតផ្ដិតយករូបភាពដីព្រៃជាច្រើនហិត ធ្វើការផ្សព្វផ្សាយជួនដល់ថ្នាក់ដឹកនាំអោយបានដឹងជាពិសេស មន្ត្រីថ្នាក់ស្រុក ខេត្ត លើសពីនេះទៅទៀតប្រជាពលរដ្ឋជាច្រើនក៏បានសំណូមពរសុំឲ្យ លោក បូ ម៉េងទ្រី អភិបាលស្រុកជីក្រែង នឹងឯកឧត្តម ទៀ សីហា  អភិបាលខេត្តសៀមរាប និងលោក ម៉ុង ប៊ុនលីម នាយខណ្ឌរដ្ឋបាលព្រៃឈើខេត្តសៀមរាប លោក ទៀ គឹមសុទ្ធ ប្រធានមន្ទីរកសិកម្មខេត្ត  ជាពិសេសសម្ដេច តេជោ ហ៊ុន សែន និងមន្ត្រីថ្នាក់ជាតិដើម្បីចាត់វិធានការទៅលើបុគ្គលនេះផងទៀន។
ជុំវិញការចុះផ្សាយខាងលើនេះអង្គភាពសារព័ត៌មានយើងខ្ញុំ នឹងរងចាំទទួលការស្រាយបំភ្លឺ ពីសំណាក់សមត្ថកិច្ចពាក់ពន្ធ័ នឹងម្ចាស់ទីតាំងរៀងរាល់ម៉ោងធ្វើការ ដើម្បីឆ្លុះបញ្ចាំងពីការពិតសុក្រឹតនិងយុត្តិធម៌តាមរបបសារព័ត៌មានតែប៉ុណ្ណោះ សូមអរគុណ៕ដោយសហការី