ប្រមុខរាជរដ្ឋាភិបាលធ្លាប់មានអនុសាសន៍ថា រឿងបង្ក្រាបនៅលើអស់លោកជំនាញនោះហើយបង្ក្រាបឬមិនបង្ក្រាបធ្វើឬមិនធ្វើនោះ

 

            (ខេត្តពោធិ៍សាត់ថ្ងៃទី 29 ខែវិច្ឆិកាឆ្នាំ 2023)
សកម្មភាពដាក់ឆ្នុកអំពូលចាប់ត្រីនៅពេលយប់ដែលជាឧបករណ៍ទំនើប ចាប់បានត្រីចម្រុះទាំងតូចទាំងធំក្នុងមួយយប់ៗរាប់តោន
សកម្មភាពនេះចាប់ពីទឹកដីស្រុកបាកាន រហូតមកដល់ទឹកដីស្រុកក្រគរ ខេត្តពោធិ៍សាត់ សមត្ថកិច្ចជំនាញហាក់បីដូចជាត្រូវថ្នាំសណ្ដំរបស់អ្នករត់ការឆ្នុកទាំងអស់ អ្វីដែលសំខាន់ប្រជាពលរដ្ឋមានការសោកស្ដាយយ៉ាងខ្លាំងចំពោះធនធានមច្ឆាជាតិ ថ្នាក់លើគួរតែមានការបញ្ជាឬក៏អន្តរាគមន៍ឲ្យមន្ត្រីក្រោមឱវាទតាមមូលដ្ឋានគោលដៅនីមួយៗមានការបង្ក្រាបផងទាន នៅពេលខ្លះបងប្អូនប្រជាពលរដ្ឋបាននាំគ្នារិះគន់ថា ប្រហែលជានាយផ្នែករដ្ឋបាលជលផលស្រុកបាកាន និងនាយផ្នែករដ្ឋបាលជលផលស្រុកក្រគរ នាយខណ្ឌរដ្ឋបាលជលផលខេត្តពោធិ៍សាត់ និងប្រធានមន្ទីរកសិកម្មរុក្ខាប្រមាញ់និងនេសាទខេត្តពោធិ៍សាត់។

ជាអ្នកប្រមូលលុយជូនថ្នាក់មេៗទេដឹងបានជាគ្មានការបង្ក្រាបហើយបទល្មើសចេះតែកើនឡើងគ្រប់ប្រភេទ កន្លែងនីមួយៗ
ជាពិសេសអ្នករត់ការសុទ្ធតែជនជាតិមួយឈ្មោះវាងយាំងឌឿក.ពីរឈ្មោះវាងយាំង.មានជាជនជាតិវៀតណាម ពលរដ្ឋឃើញបទល្មើសចម្រុះគ្រប់ប្រភេទពួកគាត់គ្មានសង្ឃឹមថាអាចនឹងកាត់បន្ថយនូវពូជត្រីពងកូនបន្តទៅមុខទៀតបានឡើយ ព្រោះអីឃើញទង្វើសមត្ថកិច្ចជំនាញមូលដ្ឋានហាក់បីដូចជាដើរផ្លូវតែមួយ
ជាមួយមេខ្លោងដាក់បទល្មើសនេសាទដើម្បីបំផ្លាញនូវធនធានមច្ឆាជាតិទៅវិញ ឬមួយរងចាំតែថ្នាក់ដឹកនាំប្រមុខរាជរដ្ឋាភិបាលមានបទបញ្ជា ទើបបញ្ជាតៗគ្នាមកឲ្យបង្ក្រាប ចំណុចនេះមហាជនព្រមទាំងប្រជាពលរដ្ឋលោកពិតជាមិនយល់។

ហើយក៏សូមសំណូមពរទៅឯកឧត្តម ពុំ ស៊ីថា ប្រតិភូរាជរដ្ឋាភិបាល និងជាប្រធានរដ្ឋបាលជលផល សូមលោកងាកមកមើលមន្ត្រីក្រោមឱវាទដែលជាប់ត្រគៀកងាកមិនរួច ដោយសារតែត្រូវថ្នាំពុលរបស់អ្នករត់ការឆ្នុកទាំងពីរស្រុកខាងលើនេះផងទាន កន្លងមកមហាជនបានឃើញឯកឧត្តមខូយ រីដា
អភិបាលនៃគណៈអភិបាលខេត្តពោធិ៍សាត់ លោកតែងតែចុះណែនាំហ្នឹងមានបទបញ្ជាឲ្យបង្ក្រាបជាញឹកញាប់កន្លងមកនេះ
តែជំនាញហាក់បីដូចជាស្ពឹកដៃស្ពឹកជើងលើកមិនរួច បង្ក្រាបមិនកើត ៕
សូមបញ្ជាក់ផងដែរ ឈ្មោះទាំងពីរជាជនជាតិវៀតណាម មួយឈ្មោះវាំងយ៉ាងឌឿក được ពីឈ្មោះវាំងយ៉ាងមាន។ ជាមេខ្លោងដ៏ធំជាងគេ។អ្នករត់ការ ប្រមូល ផល ជូន គ្រប់ជំនាញ។ មិនដែលអ្នកណាមកប៉ះពាល់បាននោះឡើយ។