ខេត្តស្វាយរៀង ៖ មានករណីកូនសិស្ស៣នាក់នាំគ្នាទៅលេងក្នុងរណ្ដៅដីដែលក្រុមហ៊ុនធ្វើផ្លូវថ្នល់កំពុងជីកយកអាចម៍ដី ខណៈនោះមានក្មេងប្រុសម្នាក់បានរអិលជើងដាំក្បាលធ្លាក់ចូលទៅក្នុងរណ្ដៅដីដែលមានទឹក បណ្ដាលឱ្យល.ង់ស្លា.ប់ ។
ជុំវិញករណីខាងលើនេះ ក្រុមគ្រួសារកុមាររងគ្រោះនិយាយថា ដោយការធ្វេសប្រហែសរបស់បុគ្គលិកអ្នកបើកអេស្កាវ៉ាទ័រមិនជួយ ខណៈក្មេង២នាក់ស្រែកហៅឱ្យជួយ «គ្នាខ្ញុំម្នាក់ធ្លា.ក់ទឹកបាត់» ក៏ប៉ុន្តែ អ្នកបើកអេស្កាវ៉ាទ័រ បានប្រាប់វិញថា «ក្រែងវាទៅផ្ទះបាត់ទេដឹងទៅ មើលនៅផ្ទះទៅ» ។ ក្មេងទាំង២នាក់ក៏រត់ទៅហៅម៉ែឪរបស់កុមាររងគ្រោះឱ្យមកជួយដែរ តែជាអកុសលពេលចុះស្រង់បានយឺតពេលទៅហើយ។
ហេតុការណ៍ខាងលើនេះបានកើតឡើងកាលពីវេលាម៉ោង១០និង៣០នាទីព្រឹកថ្ងៃទី៣១ មករា ឆ្នាំ២០២៤ នៅចំណុចក្នុងរណ្ដៅដី ខាងត្បូងវត្តតាពៅ ស្ថិតនៅភូមិសំយ៉ោង ឃុំសំយ៉ោង ស្រុកកំពង់រោទ៌ ខេត្តស្វាយរៀង ។
បើតាមសមត្ថកិច្ចបានឱ្យដឹងថា កុមារារងគ្រោះឈ្មោះណែត វណ្ណេត អាយុ១០ឆ្នាំ ជាសិស្សថ្នាក់ទី៤ នៅក្នុងភូមិកើតហេតុខាងលើ បានរអិលដាំក្បាលធ្លាក់ចូលក្នុងទឹករណ្ដៅ ដែលគេជីកយកអាចម៍ដីបណ្តាលឱ្យលង់ស្លា.ប់ ។
សមត្ថកិច្ចបានបន្តថា កុមាររងគ្រោះមានឪពុកឈ្មោះ ញូង ផល្លី អាយុ៣៦ឆ្នាំ មុខរបរធ្វើស្រែ ប្រពន្ធឈ្មោះរិន រដ្ឋា អាយុ៣០ឆ្នាំ មុខរបរធ្វើស្រែ មានកូន២នាក់ កូនទី១-ឈ្មោះណែត វណ្ណេត (ស្លា.ប់)និងកូនទី២ជាកូនស្រី មានអាយុ២ឆ្នាំ ។
បើតាមឪពុកកុមារារងគ្រោះ បានលើកឡើងថា កូនគាត់ស្លា.ប់ដោយសារតែការធ្វេសប្រហែសរបស់ អ្នកបើកបរអេស្កាវ៉ាទ័រ ឃើញក្មេងចុះទៅលេងក្នុងរណ្ដៅដី គឺ៤ម៉ែត្រពីអេស្កាវ៉ាទ័រ មិនដេញឱ្យក្មេង ឡើងចេញពីការដ្ឋានទេ ហើយពេលក្មេង២នាក់ទៀតដែលទៅលេងជាមួយគ្នា ស្រែកហៅថា «ពូៗជួយគ្នាខ្ញុំផង បាត់គ្នាខ្ញុំម្នាក់ហើយ វារអិលជើងធ្លាក់ទឹកបាត់ខ្លួនហើយ» ។ តែអ្នកបើកបរអេស្កាវ៉ាទ័រ បានតបថា វារត់ទៅផ្ទះទេដឹង ទៅមើលវានៅផ្ទះទៅ ។
ឪពុកក្មេងរងគ្រោះបានបន្តថា ខណៈនោះកុមារាទាំងពីរនាក់ក៏បានរត់ទៅហៅឪពុកម្ដាយកុមារារងគ្រោះដល់ផ្ទះចម្ងាយ៣០០ម៉ែត្រពីរណ្ដៅដី លុះពេលឪពុកជនរងគ្រោះមកដល់ចុះទៅស្រង់បានហើយយកកូនឡើងមកលើគោកមិនរួច ព្រោះរណ្ដៅជ្រៅហើយចោទខ្លាំង ទើបអ្នកបើកអេស្កាវ៉ាទ័រ ក៏ទម្លាក់ដៃអេស្កាវ៉ាទ័រ ឱ្យឪពុកជនរងគ្រោះជិះបីកូនឡើងមកលើគោក ទើបឡើងរួច។ ក៏ប៉ុន្តែអ្វីៗគឺយឺតពេលបន្តិចទៅហើយ កុមារារងគ្រោះសន្លប់ឈឹង ឪពុកលើករលាក់ទឹកចេញ ហើយ អ្នកស្រុកជួយធ្វើចលនាបេះដូងឱ្យក៏មិនដឹងខ្លួនក៏ បីឌុបតាមម៉ូតូទៅមណ្ឌល់សុខភាព តែពេលទៅដល់ក្រុមគ្រូពេទ្យឃើញថា ធ្ងន់ធ្ងរក៏ហៅរថយន្តសាមុយ ដឹកទៅមន្ទីរពេទ្យខេត្តស្វាយរៀងដើម្បីសង្គ្រោះដែរ ក៏ប៉ុន្តែ ពេលដឹកទៅដល់ពាក់កណ្តាលផ្លូវ គ្រូពេទ្យប្រាប់ថា កូនស្លា.ប់ហើយក៏ដឹកត្រឡប់មកផ្ទះវិញ ។ មកដល់ផ្ទះទើបប្តឹងសមត្ថកិច្ច តាមដំណើររឿង។
សមត្ថកិច្ចបានឲ្យដឹងថា នៅពេលរសៀល ទើបសមត្ថកិច្ចកោះហៅភាគីម្ចាស់ក្រុមហ៊ុនជីករណ្តៅដី យកអាចម៍ដី ធ្វើផ្លូវថ្នល់មកសម្របសម្រួលដោះស្រាយជាមួយភាគីក្រុមគ្រួសារកុមាររារងគ្រោះ ទាមទារប្រាក់ធ្វើបុណ្យកូនចំនួន៣.៥០០ដុល្លារ ដោយយោងតាមជីវភាពគ្រួសារក្រីក្រខ្លាំង គ្មានថវិកា សម្រាប់ធ្វើបុណ្យសពកូន ចំណែកភាគីក្រុមហ៊ុនសុំផ្តល់ជូន៣លានរៀល ។ ការសម្របសម្រួល២លើកទើប ភាគីក្រុមហ៊ុនយល់ព្រមផ្តល់ប្រាក់ឲ្យឪពុកម្តាយកុមារារងគ្រោះចំនួន៤លានរៀល ដើម្បីបញ្ចប់រឿងឈប់ប្តឹងបន្តទៀត។
មហាជនបានលើកឡើងថា ក្រុមហ៊ុនជីករណ្តៅដីយកអាចម៍ដីធ្វើផ្លូវនេះគឺជីករណ្តៅដីជ្រៅ ជម្រៅជាង១០ម៉ែត្រ នៅជាប់របងវត្តតាពៅនិងជិតសាលារៀនទៀតគឺមានហានីភ័យខ្លាំងណាស់ កន្លងមកក៏មានក្មេងប្រុសឈ្មោះត្រា អាយុ៩ឆ្នាំបានធ្លាក់ចូលក្នុងទឹករណ្តៅដី ដែលគេជីយកអាចម៍ដីលក់បណ្តាលឲ្យស្លា.ប់បាត់បង់ជីវិតដែរ ដោយសារជីកនៅជិតផ្ទះក្មេងរងគ្រោះ រណ្តៅជ្រៅណាស់ ដូច្នេះប្រជាពលរដ្ឋសំណូមពរ សូមអាជ្ញាធរមានសមត្ថកិច្ចមេត្តាពិនិត្យ ក្រុមហ៊ុន និងក្រុមធ្វើអាជីវកម្មជីករណ្តៅដីយកអាចម៍ដីលក់ កុំឲ្យជីកនៅជិតផ្ទះប្រជាពលរដ្ឋនិងជិតសាលារៀន ហើយជីកជ្រៅពេក បង្កឲ្យបាក់ដីដល់ដីស្រែនិងដីលំនៅឋានប្រជាពលរដ្ឋ និងគ្រោះថ្នាក់ដល់មនុស្សនិងសត្វពេលរដូវវស្សា។
ទាក់ទិននឹងករណីនេះដែរ លោកប៉ាត់ សាក់ ប្រធានការិយាល័យរ៉ែនិងថាមពលនៃមន្ទីររ៉ែនិងថាមពលខេត្តស្វាយរៀងបានឲ្យដឹងថា ក្រុមហ៊ុនរ៉ូយ៉ាល់មេគង្គខនស្ត្រាក់សិនឌីវិឡប់មែន គឺបានជីកលើច្បាប់អនុញ្ញាត គឺជម្រៅ៥ម៉ែត្រ ក្រុមហ៊ុនជីកដល់៧ទៅ៨ម៉ែត្រ ។ លោកបានសហការជាមួយអាជ្ញាធរចុះទៅណែនាំនិងធ្វើកិច្ចសន្យាម្តងហើយ ប្រសិនបើនៅតែបន្តជីកជ្រៅរហូតដល់១០ម៉ែត្រមែន លោកនឹងចុះទៅពិនិត្យនៅថ្ងៃចន្ទ័ខាងមុខនេះ ។ ជាពិសេស ចំណែងលោកពិសិដ្ឋ មេការក្រុមហ៊ុនបានលើកឡើងថា លោកសោកស្តាយ ដោយទីតាំងជិតអេស្កាវទ័រ ចម្ងាយ៦ម៉ែត្រ ក៏ប៉ុន្តែមើលមិនឃើញ និងមិនដឹងថា មានក្មេង៣នាក់ចុះទៅលេងក្នុងការដ្ឋានរណ្តៅដីនោះ ហើយពេលមានម្នាក់ធ្លាក់ទឹក ក្មេងពីនាក់នោះប្រាប់ថាបាត់គ្នាខ្ញុំម្នាក់ហើយ ទើបប្រាប់ថាក្រែងវារត់ទៅផ្ទះទេដឹងឲ្យទៅរកនៅឯផ្ទះ លុះដល់ឪពុកម្តាយក្មេងមកដល់ចុះរាវក្នុងទឹកហើយស្រង់ឡើង ទើបឃើញថាក្មេងធ្លាក់ទឹកលង់ស្លាប់ បើឃើញពិតជាចុះជួយហើយ។ម្តាយឪពុកកុមារារងគ្រោះសូមឲ្យអាជ្ញាធរមានសមត្ថកិច្ចជួយដោះស្រាយរកយុត្តិធម៍ និងផ្តល់ថវិកាឲ្យគាត់បានធ្វើបុណ្យកូនផងបង្កឲ្យមានមនុមនុស្សស្លាប់ចំណែងលោកពិសិដ្ឋ មេការក្រុមហ៊ុនបានលើកឡើងថា លោកសោកស្តាយ ដោយទីតាំងជិតអេស្កាវទ័រ ចម្ងាយ៦ម៉ែត្រ ក៏ប៉ុន្តែមើលមិនឃើញ និងមិនដឹងថា មានក្មេង៣នាក់ចុះទៅលេងក្នុងការដ្ឋានរណ្តៅដីនោះ ហើយពេលមានម្នាក់ធ្លាក់ទឹក ក្មេងពីនាក់នោះប្រាប់ថាបាត់គ្នាខ្ញុំម្នាក់ហើយ ទើបប្រាប់ថាក្រែងវារត់ទៅផ្ទះទេដឹងឲ្យទៅរកនៅឯផ្ទះ លុះដល់ឪពុកម្តាយក្មេងមកដល់ចុះរាវក្នុងទឹកហើយស្រង់ឡើង ទើបឃើញថាក្មេងធ្លាក់ទឹកលង់ស្លាប់ បើឃើញពិតជាចុះជួយហើយ។ម្តាយឪពុកកុមារារងគ្រោះសូមឲ្យអាជ្ញាធរមានសមត្ថកិច្ចជួយដោះស្រាយរកយុត្តិធម៍ និងផ្តល់ថវិកាឲ្យគាត់បានធ្វើបុណ្យកូនផង៕
No comments:
Post a Comment