លោកជំទាវ អនហេង លក្ខិណា ប្រធាន គ.ក.ស.ក ខេត្តកំពង់ចាម និងជាអនុប្រធានក្រុមការងាររាជរដ្ឋាភិបាលចុះមូលដ្ឋានឃុំស្តើងជ័យ ស្រុកជើងព្រៃ បានអញ្ជើញចូលរួមកម្មវិធីផ្សព្វផ្សាយអំពីការថែទាំសុខភាពដើម្បីទប់ស្កាត់ជំងឺឆ្លង និងជំងឺមិនឆ្លងទាំងឡាយដល់ប្រជាពលរដ្ឋ និងសិស្សានុសិស្សប្រមាណជាង១០០នាក់

 

ខេត្តកំពង់ចាម៖រសៀលថ្ងៃទី១៣ ខែឧសភា ឆ្នាំ២០២៤ លោកជំទាវ អនហេង លក្ខិណា ប្រធាន គ.ក.ស.ក ខេត្តកំពង់ចាម និងជាអនុប្រធានក្រុមការងាររាជរដ្ឋាភិបាលចុះមូលដ្ឋានឃុំស្តើងជ័យ ស្រុកជើងព្រៃ បានអញ្ជើញចូលរួមកម្មវិធីផ្សព្វផ្សាយអំពីការថែទាំសុខភាពដើម្បីទប់ស្កាត់ជំងឺឆ្លង និងជំងឺមិនឆ្លងទាំងឡាយដល់ប្រជាពលរដ្ឋ និងសិស្សានុសិស្សប្រមាណជាង១០០នាក់ ក្នុងបវិវេណវត្តស្តើងជ័យ ស្រុកជើងព្រៃ ក្រោមអធិបតីភាពឯកឧត្តម ហាន កុសល អភិបាលរងខេត្ត និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំស្តើងជ័យ និងក្រុមការងារ ព្រមទាំងការអញ្ជើញចូលរួមពីវាគ្មិនកិត្តិយសចំនួន ៤រូប ដែលជាវេជ្ជបណ្ឌិតឯកទេសនៅមន្ទីរពេទ្យបង្អែកខេត្តកំពង់ចាម និងជាសមាជិក ស.ស.យ.ក. វិស័យសុខាភិបាល ខេត្តផងដែរ ។