ឯកឧត្ដម សុខ ពុទ្ធិវុធ អញ្ជើញជាអធិបតីក្នុងកម្មវិធីប្រកួតបាល់ទាត់មិត្តភាពរវាងក្រុមយុវជនអាយុក្រោម ១៣ និង១៨ឆ្នាំ ស.ស.យ.ក. ខេត្តតាកែវ ជាមួយនឹងក្រុមកីឡាបាល់ទាត់ផ្ការីកគ្រប់រដូវ

តាកែវ៖ រសៀលថ្ងៃទី១៩ ខែឧសភា ឆ្នាំ២០២៤ ឯកឧត្ដម សុខ ពុទ្ធិវុធ សមាជិកគណៈអចិន្ត្រៃយ៍គណៈកម្មាធិការកណ្ដាល ស.ស.យ.ក. និងជាប្រធាន ស.ស.យ.ក. ខេត្តតាកែវ បានអញ្ជើញជាអធិបតីក្នុងកម្មវិធីប្រកួតបាល់ទាត់មិត្តភាពរវាងក្រុមយុវជនអាយុក្រោម ១៣ និង១៨ឆ្នាំ ស.ស.យ.ក. ខេត្តតាកែវ ជាមួយនឹងក្រុមកីឡាបាល់ទាត់ផ្ការីកគ្រប់រដូវរបស់ លោក ចែម ចាន់រ៉ា (ហៅ នាយពែកមី) ដោយមានការអញ្ជើញចូលរួមពី ឯកឧត្ដមអនុប្រធាន សមាជិក សមាជិកា ស.ស.យ.ក. ខេត្តតាកែវ ព្រមទាំងបងប្អូនសាធារណជនជាច្រើនកុះករ នៅកីឡដ្ឋានគិរីវង់សុខសែនជ័យ។