លោកឧត្តមសេនីយ៍ទោ ឈឿន ប៊ុនឆន ចូលរួមពិធីបើកវគ្គបំប៉នជំនាញការងារដឹកនាំដល់ស្នងការរង នៃស្នងការដ្ឋាននគរបាលរាជធានី-ខេត្ត

ខេត្តព្រៃវែង÷ នៅព្រឹកថ្ងៃអង្គារ ១១ កើត ខែអាសាឍ ឆ្នាំរោងឆស័ក ពុទ្ធសករាជ ២៥៦៨ត្រូវនឹងថ្ងៃទី១៦ ខែកក្កដា ឆ្នាំ២០២៤ នៅអគ្គស្នងការដ្ឋាននគរបាលជាតិ បានប្រារព្ធពិធីបើកវគ្គបំប៉នជំនាញការងារដឹកនាំ ដល់ស្នងការរង នៃស្នងការដ្ឋាននគរបាលរាជធានី-ខេត្តក្រោមអធិបតីភាព ឯកឧត្តម ឧត្តមសេនីយ៍ឯក តាន់ សំណាង អគ្គស្នងការរងនគរបាលជាតិ ទទួលដឹកនាំការងារបុគ្គលិក និងធនធានមនុស្ស តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ

គួរបញ្ជាក់ថា ពិធីបើកវគ្គបំប៉នជំនាញការងារដឹកនាំដល់ស្នងការរង សម្រាប់ស្នងការដ្ឋាននគរបាលរាជធានី-ខេត្ត ខាងលើ គឺមានរយៈពេលចំនួន៥ថ្ងៃ គឺចាប់ពីថ្ងៃទី ១៦ រហូតដល់ថ្ងៃទី ២០ ខែ កក្កដា ឆ្នាំ ២០២៤ ពិធីនេះធ្វើឡើងនៅអគ្គស្នងការដ្ឋាននគរបាលជាតិ ៕