ឯកឧត្ដម ស៊ុន សុវណ្ណារិទ្ធ ចុះសួរសុខទុក្ខ និងយកអំណោយឧបត្ថម្ភគ្រួសារអតីតយុទ្ធជនចំនួន ៥៧គ្រួសារ នៅស្រុកសាមគ្គីមានជ័យ

ខេត្តកំពង់ឆ្នាំង៖ ឯកឧត្តម ស៊ុន សុវណ្ណារិទ្ធិ អភិបាល និងជាប្រធានកិត្តិយស សមាគមអតីតយុទ្ធជនកម្ពុជាខេត្តកំពង់ឆ្នាំង រួមជាមួយ លោកជំទាវ កែ ចន្ទមុន្នី អ្នកតំណាងរាស្ត្រមណ្ឌលខេត្តកំពង់ឆ្នាំង បានដឹកនាំ មន្ត្រីនៃរដ្ឋបាលខេត្ត លោកប្រធានមន្ទីរ អង្គភាព និង លោកអភិបាលក្រុង/ស្រុក អញ្ជើញចុះសួរសុខទុក្ខគ្រួសារអតីតយុទ្ធជនចំនួន ៥៧គ្រួសារ នៅតំបន់ដីសម្បទានសង្គមកិច្ចអតីតយុទ្ធជន ភូមិអូរកាខុប ឃុំក្រាំងល្វា ស្រុកសាមគ្គីមានជ័យ។
ការប្រគល់ជូននេះនៅថ្ងៃម្សិលមិញ ដែលចងសម្ព័ន្ធមេត្រីភាពជាមួយ រដ្ឋបាលខេត្ត ក្រុង/ស្រុក និង មន្ទីរអង្គភាព ព្រមទាំងបាននាំយកអំណោយ ទៅឧបត្ថម្ភដល់ពួកគាត់ទាំង៥៧គ្រួសារ ក្នុងនោះមាន៖អង្ករ ១,៨២០គីឡូក្រាម, មី ៥២កេស ,ត្រីខ ៤៣យួរ ,ទឹកត្រី ៥៨យួរ ,ទឹកស៊ីអ៉ីវ ៤៩យួរ ,អំបិល ៨គីឡូក្រាម ,ខ្ទឹមស ៤គីឡូក្រាម ,ប៊ីចេង ៧គីឡូក្រាម ,មុងភួយ ១០ឈុត ,ទឹកសុទ្ធ ២៤កេស, ប្រេងឆា ៤ដប ,និងថវិកា ៣,៥៨០,០០០រៀល។
ដោយឡែក មន្ទីរ អង្គភាព ដែលនៅសល់មិនទាន់បានចុះជួបសំណេះសំណាល សួរសុខទុក្ខ បងប្អូនអតីតយុទ្ធជន ដែលចងសម្ព័ន្ធមេត្រីភាពជាមួយនោះ នឹងបន្តចុះជួបបងប្អូនរហូតដល់គ្រប់ចំនួនផ្ទះ នៅក្នុងពេលដ៏ខ្លីខាងមុខនេះ ៕