ឯកឧត្តម នួន ផារ័ត្ន អញ្ជើញចូលរួមក្នុងពិសម្ពោធអគារទីស្នាក់ការថ្មី របស់ស.ស.យ.ក. ស្រុកប្រាសាទសំបូរ

(កំពង់ធំ)÷ ឯកឧត្តម នួន ផារ័ត្ន អញ្ជើញចូលរួមក្នុងពិធីសំណេះសំណាល និងសម្ពោធដាក់ឱ្យប្រើប្រាស់ជាផ្លូវការទីស្នាក់ការថ្មីរបស់ស.ស.យ.ក. ស្រុកប្រាសាទសំបូរ ដោយមានការចូលរួមពីសមាជិក សមាជិកា ស.ស.យ.ក. ស្រុក សរុបប្រមាណជាង ៣០០នាក់ នារសៀលថ្ងៃទី ២១ ខែ កុម្ភ: ឆ្នាំ២០២៥។

ថ្លែងក្នុងពិធីនោះដែរ ឯកឧត្តម នួន ផារ័ត្ន បានសម្តែងនូវការអបអរចំពោះសមិទ្ធផលដែលស.ស.យ.ក. ស្រុក សម្រេចបាននៅពេលនេះ គឺអគារទីស្នាក់ការរបស់ ស.ស.យ.ក. ស្រុក មានទំ ១០មx១០.៨ម ដែលជាមជ្ឈមណ្ឌលមួយយ៉ាងសំខាន់ សម្រាប់យុវជន ក្នុងនោះការបណ្ដុះបណ្ដាល និងការឆ្លើយតបទៅនឹងតម្រូវការផ្សេងៗរបស់យុវជន គ្រប់លំដាប់ថ្នាក់ និងគ្រប់និន្នាការ។

ឯកឧត្តមបានបន្តថា ការរៀបចំពិធីសំណេះសំណាលនេះ ម្យ៉ាងជាការឆ្លុះបញ្ចាំងពីការរីកធំធាត់របស់គ្រួសារ ស.ស.យ.ក. ដែលជាអ្នកបន្តវេន និងជាធនធានមនុស្សដ៏មានសក្តានុពល ក្នុងការ ចូលរួមរក្សា បន្តកសាង អភិវឌ្ឍ និងកំណត់ជោគវាសនាប្រទេសជាតិនាពេលអនាគតផងដែរ។ អត្ថបទរដ្ឋបាលខេត្តកំពង់ធំ