បង្ក្រាបគ្រឿងញៀននៅខេត្តសៀមរាប ចាប់ខ្លួនបុរសម្នាក់ដកហូតថ្នាំញៀនជាច្រើន

 

ខេត្តសៀមរាប៖ក្រុមសមត្ថកិច្ចខេត្តសៀមរាបបានបើកប្រតិបត្តិការបង្ក្រាបការជួញដូរគ្រឿងញៀន ឈានដល់ឃាត់ខ្លួន បុរសម្នាក់នឹងដកហូបថ្នាំញៀនជាច្រើនផងដែរ។

ការបង្ក្រាបធ្វើឡើង នៅថ្ងៃទី១៧ ខែកក្កដា ឆ្នាំ២០២៤ វេលាម៉ោង១០និង៣០នាទី នៅលើផ្លូវជាតិលេខ៦ ស្ថិតនៅក្នុងភូមិពួកថ្មី ឃុំពួក ស្រុកពួក ដោយកម្លាំងការិយាល័យប្រឆាំងគ្រឿងញៀន នៃស្នងការនគរបាលខេត្តសៀមរាប សហការជាមួយមន្ទីរសាធារណការ និងដឹកជញ្ជូនខេត្ត និងនគរបាលស្រុកពួក។

ជនសង្ស័យឈ្មោះ ធន ឆវ័ន្ទ ហៅ ណាត់ ភេទប្រុស អាយុ ២៨ឆ្នាំ បច្ចុប្បន្នរស់នៅផ្ទះជួល ស្ថិតនៅភូមិអូរដំបង២ ឃុំអូរដំបង២ ស្រុកសង្កែ ខេត្តបាត់ដំបង។

ប្រតិបត្តិការនេះ កម្លាំងសមត្ថកិច្ចបានដកហូតវត្ថុតាងរួមមាន៖ ម្សៅមេតំហ្វេតាមីន (ICE) ចំនួន ១០ដុំ ស្មើនឹងទម្ងន់ ៩,៩៥៥.៦៥ក្រាម, មេតំហ្វេតាមីនប្រភេទគ្រាប់ ពណ៌ផ្កាឈូកសញ្ញា WY ចំនួន ០៥គ្រាប់។

បើតាមសមត្ថកិច្ច ក្រោយធ្វើការសាកសួរ នៅថ្ងៃទី២០ ខែកក្កដា ឆ្នាំ២០២៤នេះ ជនសង្ស័យរួមទាំងវត្ថុតាងត្រូវបានកម្លាំងជំនាញកសាងសំណុំរឿងបញ្ចូនទៅកាន់សាលាដំបូងខេត្តសៀមរាប ដើម្បីអនុវត្តតាមនីតិវិធីច្បាប់៕