សម្តេចតេជោហ៊ុន សែន ស្នើឱ្យថៃបញ្ជូនលោក អែម ពិសិដ្ឋ សកម្មជនប្រឆាំងមកឱ្យអាជ្ញាធរកម្ពុជាចាត់ការតាមផ្លូវច្បាប់

ភ្នំពេញ ៖សម្តេចតេជោហ៊ុន សែន ប្រធានព្រឹទ្ធសភានិងជាប្រធានគណ:បក្សប្រជាជនកម្ពុជាបានស្នើឱ្យថៃ( បរទេសដែលកំពុងមានជម្លោះព្រំដែននឹងកម្ពុជា) បញ្ជូនលោក អែម ពិសិដ្ឋ សកម្មជនប្រឆាំងនិងជាប្រធានបណ្តាញយុវជនកម្ពុជាសកល ប្រចាំប្រទេសថៃ មកឱ្យអាជ្ញាធរកម្ពុជាចាត់ការតាមផ្លូវច្បាប់ ។

ការបង្ហោះលើបណ្តាញសង្គមហ្វេសប៊ុកផ្លូវការរបស់សម្តេចនាថ្ងៃទី១០ខែមិថុនាឆ្នាំ២០២៥ គឺបន្ទាប់ពីបុរសនេះបានថតសម្តែងជាកងទ័ពរិះគន់រដ្ឋាភិបាលកម្ពុជា។

បើតាមសម្តេចហ៊ុន សែន ឈ្មោះអែម ពិសិដ្ឋ បានឃុបឃិតជាមួយបរទេសមកបំផ្លាញខ្មែរ ខណៈប្រទេសកំណើតរបស់ខ្លួនកំពុងប្រឈមនឹងការឈ្លានពានរបស់បរទេស(ថៃ) ៕