-->
សូមស្វាគមន៍ www.rtnasian-tvonline.com មានទទួលសេវាកម្ម ផ្សាយពាណិជ្ជកម្មគ្រប់ប្រភេទ /ទំនាក់ទំនង /Tel:.097 503 4646.....
សូមស្វាគមន៍ www.rtnasian-tvonline.com មានទទួលសេវាកម្ម ផ្សាយពាណិជ្ជកម្មគ្រប់ប្រភេទ /ទំនាក់ទំនង /Tel:.097 503 4646.....

Sunday, October 1, 2023

មាន​បងប្អូន​ប្រជាពលរដ្ឋ​មួយចំនួន បាន​ចោទសួរ​ថា​តើ រាជរដ្ឋាភិបាល​កម្ពុជា បាន​គិតគូរ​ពី​ជីវភាព​រស់នៅ​របស់​ប្រជាពលរដ្ឋ​ដែល​មាន​ជីវភាព​លំបាក​យ៉ាងណា​ទេ​?

ចំនួនអ្នកទស្សនា: Views


 

ខាងក្រោម​នេះ គឺជា​ឧទាហរណ៍​នៃ​របាយការណ៍​ប្រចាំថ្ងៃ ដែល​ឯកឧត្តម​រដ្ឋមន្ត្រីក្រសួង​សង្គមកិច្ច​អតីតយុទ្ធជន និង​យុវនីតិសម្បទា បាន​ផ្ញើ​មក​ឱ្យ​ខ្ញុំ (​សម្រាប់​ថ្ងៃ​ទី ២៨ ខែ​កញ្ញា ឆ្នាំ​២០២៣)​។
​នៅក្នុង​របាយការណ៍​នេះ​បាន​បង្ហាញ​អំពី​ទិន្នន័យ​សាច់ប្រាក់​ដែល​រាជរដ្ឋាភិបាល​បាន​បញ្ចេញ​ដើម្បី​ជួយ​ទៅ​ដល់​ប្រជាពលរដ្ឋ​ក្រីក្រ និង​ងាយ​រងគ្រោះ​, ស្ត្រី​មាន​ផ្ទៃពោះ និង​កុមារ​ក្រោម​អាយុ ២ ឆ្នាំ និង​ជូន​គ្រួសារ​ងាយ​រង​ហានិភ័យ​ដោយ​សម្ពាធ​អតិផរណា តាមរយៈ​កម្មវិធី​ឧបត្ថម្ភ​សាច់ប្រាក់​ចំនួន​៣ ÷
១. ឧបត្ថម្ភ​គ្រួសារ​ក្រីក្រ និង​ងាយ​រងគ្រោះ​ក្នុងអំឡុងពេល​កូវី​ដ ១៩ ដែល​កម្មវិធី​នេះ​ចាប់ផ្ដើម​ដាក់ឱ្យអនុវត្ត​ចាប់ពី ថ្ងៃទី​២៤ ខែមិថុនា ឆ្នាំ​២០២០ និង​បាន​ដំណើរ​បាន​អស់​រយៈពេល ៣៩ ខែ ។
​ប្រជាពលរដ្ឋ​ដែល​ទទួលបាន​ផល​ពី​កម្មវិធី​នេះ​មាន​ចំនួន​សរុប ៤៣៧,៧៣១ គ្រួសារ (​ស្មើ​នឹង​ប្រជាជន​ជាង ២​លាន​៧​សែន​នាក់​) ដែល​រដ្ឋ​បាន​ចំណាយ​ថវិកា​សរុប​ចំនួន ៤,៨០៥,៨០១,៦៩៩,០០០​រៀល (​ឬ ១,១៧២,១៤៦,៧៥៦ ដុល្លា ពោល​គឺ​ជិត ១​ពាន់​២០០​លាន​ដុល្លារ​)
២. ឧបត្ថម្ភ​សាច់ប្រាក់​ជូន​ស្ត្រី​មាន​ផ្ទៃពោះ និង​កុមារ​ក្រោម​អាយុ ២​ឆ្នាំ ដែល​ត្រូវបាន​ដាក់ឲ្យ​អនុវត្ត​ចាប់​ពី​ថ្ងៃ​ទី​១ ខែមិថុនា ឆ្នាំ​២០១៩​។ មកទល់​ពេល​នេះ​មាន​ស្ត្រី​និង​កុមារ​ដែល​ទទួល​ផល​ពី​កម្មវិធី​នេះ ចំនួន ៣៣៩,៩៧៧​នាក់ ចំណែក​ថវិកា​សរុប ១១០,៤០១,២០០,០០០ រៀល (​ឬ ២៦,៩២៧,១១២ ដុល្លារ ឬ ជិត ២៧ លាន​ដុល្លារ​)
៣. ឧបត្ថម្ភ​សាច់ប្រាក់​ជូន​គ្រួសារ​ងាយ​រង​ហានិភ័យ​ដោយ​សម្ពាធ​អតិផរណា ដែល​ត្រូវបាន​ដាក់​ឱ្យ​
​អនុវត្ត​ចាប់​ពី ថ្ងៃទី​៣ ខែ​ធ្នូ ឆ្នាំ​២០២២ ។ ប្រជាពលរដ្ឋ​ដែល​បាន​ទទួល​ផល​ពី​កម្មវិធី​នេះ​មាន​ចំនួន ៤៩៥,១១៩​គ្រួសារ (​ស្មើ​នឹង​ប្រជាជន​ជាង ១​លាន​៨​សែន​នាក់​) ហើយ​រាជរដ្ឋាភិបាល​បាន​ចំណាយ​ថវិកា​សរុប​ចំនួន ១៧៣,៩០០,០២១,២០០​រៀល (​ឬ ៤២,៤១៤,៦៣៩ ដុល្លារ​)
​ដូច្នេះ​គិត​ត្រឹម​ថ្ងៃ​ទី ២៨ ខែ​កញ្ញា ២០២៣ កម្មវិធី​ទាំងបី​ផ្ដល់​អត្ថប្រយោជន៍ ចំពោះ​គ្រួសារ​ប្រជាពលរដ្ឋ​ក្រីក្រ និង​ងាយ​រងគ្រោះ ចំនួន​ជាង ២​លាន​៧​សែន​នាក់ (​ឬ ៤៣៧,៧៣១ គ្រួសារ​), ស្ត្រី​មាន​ផ្ទៃពោះ និង​កុមារ​អាយុ​ក្រោម ២ ឆ្នាំ ចំនួន ៣៣៩,៩៧៧​នាក់ និង គ្រួសារ​ងាយ​រង​ហានិភ័យ​ដោយ​សម្ពាធ​អតិផរណា ចំនួន​ជាង ១​លាន​៨​សែន​នាក់ (​ឬ ៤៩៥,១១៩​គ្រួសារ​) ដែល​បាន​ចំណាយ​ទឹកប្រាក់​សរុប​ចំនួន ៥,០៩០,១០២,៩០២,២០០​រៀល (​ឬ ១,២៤១,៤៨៨,៥១៧​ដុល្លា ឬ​ជាង ១​ពាន់ ២​រយ​លាន​ដុល្លារ​)​។
​ខាងលើ​នេះ​គឺ​គិត​ចំពោះ​កម្មវិធី​ឧបត្ថម្ភ​សាច់ប្រាក់​តែ​ចំនួន​បី​ប៉ុណ្ណោះ​។ ក្រៅ​ពី​កម្មវិធី​ទាំងបី​នេះ រាជរដ្ឋាភិបាល​ក៏​មាន​គោល​នយោបាយ​ផ្សេង​ទៀត​ជាច្រើន សម្រាប់​ជួយ​ដល់​ប្រជាពលរដ្ឋ​ខ្មែរ​គ្រប់​ស្រទាប់វណ្ណៈ ក្នុង​គ្រប់​វិស័យ នៅ​ទូទាំង​ប្រទេស​។
​កម្ពុជា​មិនមែន​ជា​ប្រទេស​មាន​ខ្លាំង ប៉ុន្តែ​រាជរដ្ឋាភិបាល​កម្ពុជា​មិនមែន​ខ្វះ​ទឹកចិត្ត​ក្នុង​ការជួយ​ដល់​ប្រជាពលរដ្ឋ​ខ្លួនឯង​នោះ​ទេ​។
#​ហ៊ុន​ម៉ា​ណែ​ត #Hunmanet
#​កម្ពុជា #Cambodia

Wednesday, September 27, 2023

ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន ទទួលជួបពិភាក្សាការងារជាមួយ ក្រុមការងារនាទីអតីតវីរយុទ្ធជន!

ចំនួនអ្នកទស្សនា: Views

 


ភ្នំពេញ៖ ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន ទទួលជួបពិភាក្សាការងារជាមួយ ក្រុមការងារនាទីអតីតវីរយុទ្ធជន ដឹកនាំដោយ លោក ដិប វឌ្ឍនៈ ប្រធាន ផេក នាទីអតីតវីរយុទ្ធជន នៅព្រឹកថ្ងៃទី២៦ ខែកញ្ញា ឆ្នាំ២០២៣ នាទីស្តីការក្រសួងព័ត៌មាន ។
ផេក នាទីអតីតវីរយុទ្ធជន មានទីតាំងស្ថិតនៅស្រុកបាណន់ ខេត្តបាត់ដំបង ទើបនឹងទទួលបានអាជ្ញាប័ណ្ណ នៅថ្ងៃទី១៦ ខែមីនា ឆ្នាំ២០២៣ ក្នុងគោលបំណងរួមចំណែកការពារសន្តិភាព និងការអភិវឌ្ឍ ពិសេសផ្សព្វផ្សាយពី វីរភាពអតីតយុទ្ធជនក្នុងបុព្វហេតុការពារជាតិមាតុភូមិ ។
ឯកឧត្តម រដ្ឋមន្រ្តី នេត្រ ភក្ត្រា បានគាំទ្រអោយ មានការបង្កើតផេក នាទីអតីតវីរយុទ្ធជន នេះឡើងដើម្បីផ្សាយពីស្នាដៃ និងសមិទ្ធិផលនានាដែល បងប្អូនអតីតយុទ្ធជនសម្រេចធ្វើបាន ហើយក៏ជាការដឹងគុណ និងអរគុណចំពោះ អតីតយុទ្ធជន និង និវត្តន៍ជនទាំងអស់ក្នុងស្រុកបាណន់ ក៏ដូចនៅទូទាំងប្រទេស ដែលបានតស៊ូ លះបង់ ធ្វើពលីកម្មយ៉ាងលំបាក លំបិន នាំមកនូវសន្តិភាព ស្ថេរភាព សន្តិសុខ សណ្ដាប់ធ្នាប់សាធារណៈ និងវឌ្ឍនភាព សង្គមដូចសព្វថ្ងៃ។
“ យើងទាំងអស់គ្នាដែលជាអ្នកជំនាន់ក្រោយ បានកត់ត្រា និងចងចាំជានិច្ចនូវស្នាដៃ និងគុណបំណាច់របស់អតីតយុទ្ធជន និងនិវត្តន៍ជនគ្រប់ជំនាន់ “ ៕



Tuesday, September 26, 2023

ព្រៃឈើ​ក្នុង​ដែនជម្រកសត្វព្រៃ​ណាំ​លៀ រង​ការកាប់​បំផ្លាញ់​យ៉ាង​រំគៀល គេ​សង្ស័យ​លោកនាយក​ដែនជម្រកសត្វព្រៃ​ណាំ​លៀ បើកភ្លើង​ខៀវ​..!!

ចំនួនអ្នកទស្សនា: Views

  




(​ខេត្ត​មណ្ឌលគិរី​) ៖ សេចក្ដីរាយការណ៍​ពី​ប្រជាពលរដ្ឋ​បាន​អះអាង​ឲ្យដឹងថា បច្ចុប្បន្ន​ព្រៃឈើ​ក្នុង​ដែន​ជម្រក​សត្វព្រៃ​ណាំ​លៀ រង​ការកាប់​បំផ្លាញ់​យ៉ាង​រំគៀល ពី​សំណាក់​ក្រុម​ឧក្រិដ្ឋកម្ម​ព្រៃឈើ គេ​សង្ស័យថា​នាយក​ដែនជម្រកសត្វព្រៃ​ណាំ​លៀ ជា​អ្នក​បើក​ភ្លើង​ខៀវ ។​
ពលរដ្ឋ​រស់​នៅក្នុង​ឃុំ​ប៊ូ​ស្រា ស្រុក​ពេជ្រា​ដា បានឲ្យដឹងថា មាន​មេ​ឧក្រិដ្ឋកម្ម​ព្រៃឈើ​ម្នាក់ ឈ្មោះ រិទ្ធ (​ហៅ​អា​មូល​) និង​បក្សពួក​កំពុង​ធ្វើ​សកម្មភាព​គៀងគរ​ពលរដ្ឋ​ដោយ​ដៃ​កាន់​រ៉​ណា​យន្ត​បើក​គោយន្ត​ចូលទៅ​កាប់រំលំ​ដើមឈើ​ធំ​នឹង​អា​ច្រៀក​ដឹកជញ្ជូន​ប្រភេទ​ឈើ​(​ឈ្លិច​) ខុសច្បាប់ ឆ្លងដែន​តាម​ច្រក​ទ្វេភាគី​ណាំ​លៀ​ប៉ុស្តិ៍​៧ គ្រប់គ្រង​ដោយ​លោក (​ណ​ម​) ទាំង​យប់​ទាំង​ថ្ងៃ ខណៈ​ប្រជាពលរដ្ឋ​ដាក់​ការសង្ស័យថា មាន​ការប្រព្រឹត្ត​អំពើពុករលួយ ដែល​សមត្ថកិច្ច​ជំនាញ​ការពារ​ព្រៃឈើ​ហាក់ដូច ជា​នៅ​ស្ងៀម​ទ្រឹង បើកភ្លើង​ខៀវ​ឲ្យមាន​បទល្មើស​ព្រៃឈើ​កើនឡើង​យ៉ាង​អនាធិបតេយ្យ​។​
​ជាក់ស្តែង​នៅ​ថ្ងៃទី​១៨.១៩ ខែ​កញ្ញា ឆ្នាំ​២០២៣ ក្រុមការងារ​ថត​បាន​អំពី​សកម្មភាព​ឈ្មួញ​និង​គំនរ​ឈើ​ជា​ច្រើន​គំនរ​ដោយ​គេ​ដឹងថា​មាន​មេ​ឈ្មួញ​ម្នាក់​ឈ្មោះ មាប់ បាន​ទទួល​លុយ​ពី​ជនជាតិ​វៀតណាម​ជាច្រើន​មក​ឲ្យឈ្មោះ លោក រិទ្ធិ (​ហៅ​អា​មូម​) ចាំ​ប្រមូល​ទិញ និង​រត់ការ​ឡាន​ដឹកជញ្ជូន​ឈើ តាម​រយៈ​រថយន្ត​ឡង់​ក្រូស័រ​កែឆ្នៃ​មានត្រើយ និង​គោយន្ត​កន្ត្រៃ​តាំង​បរ​ពី​ជ្រោះ​ជ្រលង​ដងអូរ​មក​ទុក្ខ​នៅក្នុង​ចំការកៅស៊ូ បារាំង សុក​ហ្វីន ដាក់​ឡាក់ ក្រុមហ៊ុន​វៀតណាម​និង​កូហ្វី​ហ្វា​ម៉ា ដឹក​ចេញ​យក​ទៅ​ទម្លាក់​នៅ​ចំណុច​៥​ទីតាំង
​ស្ថិតនៅ​ភូមិ ពូទឹត ឃុំ​ប៊ូ​ស្រា ស្រុក​ពេជ្រា​ដា ខេត្ត​មណ្ឌល​គី​រី ក្នុងនោះ​ច្រក​ចេញ មាន​ចំនួន ៥​កន្លែង ÷
១ ចេញ​ពី​ក្រុមហ៊ុន​ចំការកៅស៊ូ​វៀតណាម (​ដាក់​ឡាក់​)
២.​អូរ​ពោត ផ្លូវ​ទៅ​ប៉ុស្តិ៍ ៦ ទល់មុខ​បរិស្ថាន​អូរ​ពោត​
៣ អូរ​ឆែ​ល តាម​ក្រុមហ៊ុន​បារាំង​(​កូហ្វី​ហ្វា​ម៉ា​)
៤ អូរ​កាល់ តាម​ក្រុមហ៊ុនចំការកៅស៊ូ​(​សុក​ហ្វីន​)
៥ ភូមិ​ឡៅ​រមៀត ឃុំក្រង់​តេះ ស្រុក​ពេជ្រា​ដា ខេត្ត​មណ្ឌល​គី​រី តាម​ចំការកៅស៊ូ​ធំ ។​
​សេចក្តីរាយការណ៍​មួយ​បានឲ្យដឹងថា សកម្មភាព​ដឹកជញ្ជូន​ឈើ​ដែល​ចេញ​ទាំង​៥​ច្រក​ឆ្លងកាត់​តាម​បា​រ៉ា​ស់​ចំការកៅស៊ូ​បារាំង​(​កូហ្វី​ហ្វា​ម៉ា​)( សុក​ហ្វីន​)​ចូល​តាម​ច្រក​ប៉ុស្តិ៍​ប្រាំពីរ ច្រក​ទ្វេភាគី ណាំ​លៀ ដែល​សម្របសម្រួល​យ៉ាង​ល្អ​ពី​លោក​(​ណ​យ​)​មេ​ប៉ុស្តិ៍​ច្រក​ក្នុង​១​យប់​ប្រមាណ​ជាង ១០០​ឡាន ទៅ​២០០​ឡាន បន្ត​ដឹក​ឆ្លងដែន​ទៅ​ស្រុក​យួន​យ៉ាងគំហុក រីឯ​មន្ត្រី​ជំនាញ​សមត្ថកិច្ច​ពាក់ព័ន្ធ ក្នុង​ខេត្ត​មណ្ឌល​គី​រី​និង​ស្រុក​ពេជ្រា​ដា រក្សា​ភាព​ស្ងៀមស្ងាត់​។​
​មជ្ឈដ្ឋាន​ខាងក្រៅ​! រិះគន់​ចំៗ​ទៅលើ លោកនាយក​ដែន​ជម្រស​ត្វព្រៃ​ណាំ​លៀ និង​លោក ឆៅ ប៊ុនធឿន ប្រធាន​មន្ទីរ​បរិស្ថាន​ខេត្ត​មណ្ឌល​គី​រី ជា​អ្នក​បេ​ី​ក​ភ្លេីង​ខៀវ ទេីប​មេ​ឈ្មួញ​ឈេ​ី​ឈ្មោះ រិទ្ធិ (​ហៅ​អា​មូម​)​និង​បក្សពួក ហ៊ាន​ធ្វើ​អ្វីៗ​តាម​ទំនេី​ង​ចិត្ត​។​
​តាម​ប្រភព​ពី​ប​ប្រជាពលរដ្ឋ​រស់នៅ​ក្នុង​ខេត្ត​មណ្ឌលគិរី បានឲ្យដឹងថា រយៈពេល​ជិត ១​សប្ដាហ៍​កន្លងទៅ​នេះ​ឈ្មួញ​ជាច្រើន​នាក់​បាន​សម្រុក​ដឹក​ជញ្ជូ​ឈើ ឈ្លិ​ក ពី​ចំណុច​ភូមិ ពូទឹត ឃុំ​ប៊ូ​ស្រា ស្រុក​ពេជ្រា​ដា ខេត្ត​មណ្ឌល​គីរ ចេញ​ទៅ​ស្រុក​យួន តាម​ច្រក​ណាំ​លៀ យ៉ាងគំហុក​។ ក្រោយ​ពី​អង្គភាព​សារព័ត៌មាន​ក្នុងស្រុក​មួយ​ចំនួន​ចុះផ្សាយ មេ​ឈ្មួញ​ទាំង​ពីរ​នាក់ កំពុងតែ​ព្រួយបារម្ភ ហើយ​ក៏​រត់ ការបិទ​អ្នកសារព័ត៌មាន​មួយចំនួន កុំ​ឱ្យ​ចុះ​ផ្សព្វផ្សាយ ពី​រឿង​គេ រក​បទល្មើស​ព្រៃឈើ សកម្មភាព​របស់​ក្រុម​ឈ្មួញ​ដឹក​ជញ្ជូន​ឈើ​ទៅ​ស្រុក​យួន គ្មាន​មន្ត្រី​ជំនាញ ឬ​សមត្ថកិច្ច​ណា​ទប់ស្កាត់​ទេ​គឺមាន​តែ​ជួយ​សម្រួល​ឲ្យ​ឈ្មួញ​ដឹក​ជញ្ជូន​ឈើ​ទៅដល់​គោលដៅ​យ៉ាង​រលូន​។​
​មន្ត្រី​អង្គការ​ក្រៅ​រដ្ឋាភិបាល​ដែល​ឃ្លាំ​មើល​បទល្មើស​ព្រៃឈើ​ក្នុង​ខេត្ត​មណ្ឌលគិរី បាន​លើកឡើងថា​លោក ហែម បូ​ណា​រ៉ែ​ល មេបញ្ជាការ​កងរាជអាវុធហត្ថ​ខេត្ត​មណ្ឌលគិរី និង​លោក ឡោ សុខា ស្នងការដ្ឋាន​នគរបាល​ខេត្ត​មណ្ឌលគិរី ក៏ដូចជា​លោក ថង សាវុន អភិបាលខេត្ត​មណ្ឌលគិរី គ្មាន​ឆន្ទៈ​ក្នុង​ការបង្ក្រាប​បទល្មើស​ព្រៃឈើ​នោះ​ទេ​។​
​ប្រជាពលរដ្ឋ​រស់នៅ​ក្នុង​ភូមិ ពូទឹត ឃុំ​ប៊ូ​ស្រា ស្រុក​ពេជ្រា​ដា ខេត្ត​មណ្ឌល​គី​រី អំពាវនាវ​ដល់ នាយ​ឧត្ដមសេនីយ៍ សៅ សុខា មេបញ្ជាការ​កងរាជអាវុធហត្ថ​លើ​ផ្ទៃ​ប្រទេស និង​ជា​ប្រធាន​គណៈកម្មការ​ថ្នាក់​ជាតិ ដើម្បី​ទប់ស្កាត់​បទល្មើស​ព្រៃឈើ​ធនធានធម្មជាតិ ព្រមទាំង លោក អ៊ាង សុផ្លែត រដ្ឋមន្ត្រី​ក្ក្រសួង​បរិស្ថាន មេត្តា​ចាត់​មន្ត្រី​ក្រោម​ឱវាទ​ចុះ​ត្រួតពិនិត្យ​ជាបន្ទាន់ បើ​មិន​ដូច្នោះ​ទេ ព្រៃឈើ​ដែល​នៅ​សេសសល់​បន្តិចបន្តួច ក្នុង​ដែន​ជម្រក​សត្វព្រៃ​ណាំ​លៀ ពិតជា​វិនាស​អស់​ក្រោម​ស្នាដៃ​លោកនាយក​ដែន​ជម្រក នឹង​មេ​ឈ្មួញ​ឈ្មោះ រិទ្ធ និង ឈ្មោះ​ម៉ាប់ បក្សពួក​ឈ្មួញ​ជាក់​ជា​ពុំខាន់​៕










Sunday, September 24, 2023

អភិបាលស្រុកស្ទោងណែនាំដល់រដ្ឋបាលឃុំត្រូវបង្កើនការយកចិត្តទុកដាក់ដល់ជីវភាពបងប្អូនប្រជាពលរដ្ឋដែលមានជីវភាពខ្វះខាតនិងរងគ្រោះដោយទឹកជំនន់

ចំនួនអ្នកទស្សនា: Views

 



   លោកបាន ណែនាំដូចនេះក្នុងឱកាសដែល លោក និងសហការី បានអញ្ជើញចុះសួរសុខទុក្ខនិងចែកអំណោយដល់បងប្អូនប្រជាពលរដ្ឋដែលមានជីវភាពខ្វះខាត និងរងគ្រោះដោយទឹកជំនន់ចំនួន ១៨ គ្រួសារ នៅក្នុងភូមិសូភី  ឃុំព្រះដំរី ស្រុកស្ទោង ខេត្តកំពង់ធំ នាព្រឹកថ្ងៃទី ២៤ ខែកញ្ញា ឆ្នាំ 2023 ។
      
        ជាមួយគ្នានេះដែរ លោកក៏បានធ្វើការណែនាំដល់អាជ្ញាធរភូមិ ឃុំ ក៏ដូចជាអ្នកពាក់ព័ន្ធ ត្រូវធ្វើការថែទាំ ជួសជុលនូវហេដ្ឋារចនាសម្ព័ន្ធផ្សេងៗ ជាពិសេសផ្លូវលំទាំងអស់ដែលបានរងគ្រោះដោយទឹកជំនន់ ឡើងវិញឲ្យបានទាន់ពេលវេលា ដើម្បី ស្ដារនូវគុណភាពឡើងវិញនិងសម្រួលដល់ការធ្វើចរាចរណ៍របស់បងប្អូនប្រជាពលរដ្ឋនៅក្នុងមូលដ្ឋាន។

      លើសពីនេះលោក សាយ គឹមឡម ក៏បានថ្លែងអំណរគុណយ៉ាងជ្រាលជ្រៅ ដ៏សប្បុរសជនជិតឆ្ងាយ ដែលតែងតែសហការឧបត្ថម្ភនូវគ្រឿងឧបភោគបរិភោគ និងសម្ភារៈប្រើប្រាស់ផ្សេងៗដល់រដ្ឋបាលស្រុកស្ទោង ក្នុងការធ្វើកិច្ចការមនុស្សធម៌ ក៏ដូចជាជួយសង្គ្រោះដល់បងប្អូនប្រជាពលរដ្ឋដែលកំពុងរងគ្រោះដោយទឹកជំនន់នៅក្នុងពេលនេះ ក៏ដូចពេលកន្លងមក។។

         លើសពីនេះទៀតលោកក៏បានណែនាំដល់គ្រប់រដ្ឋបាលឃុំ សូមធ្វើការយកចិត្តទុកដាក់និងរាយការណ៍ជាបន្ទាន់នូវស្ថានភាពរស់នៅរបស់បងប្អូនប្រជាពលរដ្ឋដែលមានជីវភាពខ្វះខាតនិងបានរងគ្រោះដោយជំនន់ទឹកភ្លៀងនិងជំនន់ទឹកស្ទឹងស្ទោងនៅតាមមូលដ្ឋានរបស់ខ្លួន មករដ្ឋបាលស្រុកស្ទោង ដើម្បីមានវិធានការជួយទ្រទ្រង់ជីវភាពផងដែរ។

     សូមបញ្ជាក់ផងដែរថា អំណោយដែលបងប្អូនទទួលបាននៅក្នុងឱកាសនេះក្នុងម្នាក់ៗទទួលបាននូវ អង្ករ១បេ ទឹកត្រី១យួរ ទឹកស៊ីអ៊ីវ១យួរ និងមី១កេះ។
  










Wednesday, September 20, 2023

ឧបនាយករដ្ឋមន្ត្រី​ សាយ សំអាល់ និងថ្នាក់ដឹកនាំ មន្រ្តីរាជការ ក្រសួងរៀបចំដែនដី ប្រារព្ធពិធីអបអរសាទរការដាក់បញ្ចូល «រមណីយដ្ឋានប្រាសាទកោះកេរ» ជាសម្បត្តិបេតិកភណ្ឌពិភពលោក

ចំនួនអ្នកទស្សនា: Views

 


រាជធានីភ្នំពេញ​  នៅព្រឹកថ្ងៃទី២០ ខែកញ្ញា ឆ្នាំ២០២៣នេះ លោក សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ ព្រមទាំងថ្នាក់ដឹកនាំ និងមន្រ្តីរាជការ ក្រសួងរៀបចំដែនដីទាំងអស់ បានប្រារព្ធពិធីអបអរសាទរចំពោះការចុះបញ្ជី «រមណីយដ្ឋានប្រាសាទកោះកេរ» របស់ខ្មែរ ជាសម្បត្តិបេតិកភណ្ឌពិភពលោក។
តាមការអំពាវនាវរបស់ សម្ដេចធិបតី ហ៊ុន ម៉ាណែត នៅម៉ោង៧៖០០នាទី ព្រឹកថ្ងៃទី២០ ខែកញ្ញា ឆ្នាំ២០២៣នេះ នៅគ្រប់ស្ថាប័នថ្នាក់ជាតិ និងថ្នាក់ក្រោមជាតិគ្រប់រាជធានី-ខេត្ត ក្រុង-ស្រុក-ខណ្ឌ និងគ្រប់ឃុំ-សង្កាត់ ក៏ដូចជាទីវត្តអារាម ជនរួមជាតិកម្ពុជា បានរួមគ្នាវាយគង ទូងស្គរ ទះប៉ោត និងគោះត្រដោកយ៉ាងខ្ញៀវខ្ញារ ដើម្បីអបអរសាទរព្រឹត្តិការណ៍ប្រវត្តិសាស្ត្រដែល «រមណីយដ្ឋានប្រាសាទកោះកេរ» ត្រូវបានចុះក្នុងបញ្ជីបេតិកភណ្ឌពិភពលោក។
គួរបញ្ជាក់ថា រមណីយដ្ឋានប្រាសាទកោះកេរ ត្រូវបានចុះបញ្ជីសម្បត្តិបេតិកភណ្ឌពិភពលោកជាផ្លូវការរបស់អង្គការយូណេស្កូ នាល្ងាចថ្ងៃទី១៧ ខែកញ្ញា ឆ្នាំ២០២៣ នៅទីក្រុងរីយ៉ាដ ប្រទេសអារ៉ាប៊ីសាអូឌីត។
ដោយបូករួមទាំងរមណីយដ្ឋានប្រាសាទកោះកេរនេះ កម្ពុជាមានតំបន់បេតិកភណ្ឌពិភពលោកចំនួន៤ហើយ ក្នុងនោះរួមមាន៖ តំបន់អង្គរ ត្រូវបានចុះបញ្ជីនៅឆ្នាំ១៩៩២ ទំហំ៤០,០០០ហិកតា, ប្រាសាទព្រះវិហារ ចុះបញ្ជីឆ្នាំ២០០៨ ទំហំ២,៦៤៣ហិកតា និងតំបន់ប្រាសាទសំបូរព្រៃគុក ចុះបញ្ជីនៅឆ្នាំ២០១៧ ទំហំ៣៩,០០០ហិកតា៕









Tuesday, September 19, 2023

លោក រិទ្ធ ឈ្មួញឈើកំពុងមានឈ្មោះបោះសំឡេង ខាងដឹកជញ្ជូនឈើឆ្លងដែនទៅលក់នៅវៀតណាម អាជ្ញាធរនិងសមត្ថកិច្ចពាក់ពន្ធ័មិនបង្ក្រាប នៅខេត្តមណ្ឌលគិរី

ចំនួនអ្នកទស្សនា: Views

 


ខេត្តមណ្ឌលគិរី៖ចេញផ្សាយ ថ្ងៃទី១៩ ខែកញ្ញា ឆ្នាំ២០២៣ ទោះបីជារាជរដ្ឋាភិបាលខិតខំប្រឹងប្រែងដាស់ទឿនដល់អាជ្ញាធរនិងសមត្ថកិច្ចពាក់ពន្ធ័ទាំងអស់ឲ្យទប់ស្កាត់រាល់បទល្មើសព្រៃឈើយ៉ាងណាក៏ដោយ បែជាអាជ្ញាធរ និងសមត្ថកិច្ចពាក់ពន្ធ័មួយចំនួនហាក់មិនអនុវត្តតាមនោះឡើយ។

ជាស្ដែងឈ្មួញឈើ បច្ចុប្បន្ន កំពុងឡើងមានហ៊ុងស៊ុយខ្លាំង ឈ្មោះរិទ្ធ កំពុងមានឈ្មោះបោះសម្លេង ក្នុងការដឹកជញ្ជូនឈើ យ៉ាងសកម្ម ឆ្លងដែនចូលទៅលក់អោយមេឈ្មួញធំៗ នៅប្រទេសវៀតណាម បានយ៉ាងសុខស្រួល មិនទាក់ក្រសែភ្នែក អាជ្ញាធរ និង សមត្ថកិច្ចជំនាញពាក់ព័ន្ធថ្នាក់ខេត្តនោះឡើយ ដោយដឹកតាមរយៈរថយន្តចេញពី​ចំណុច ស្រែ​ប៊ូ​ម ភូមិ​រ៉ា​យោង​ ឃុំ​ប៊ូ​ស្រា ស្រុក​ពេជ្រា​ដា ខេត្ដមណ្ឌលគីរី ដឹក​តាមរថយន្ដជា​ច្រើ​ន​គ្រឿងសម្រុ​កដឹ​ក​ជញ្ជួន​ទៅឆ្លងដែនទៅលក់ប្រទេសវៀតណាម តាម​ច្រក​ទ្វេភាគី​​ព្រំដែន​ណាំ​លា​និង​ច្រក​ប៉ុស្៏7 យ៉ាង​ពេញបន្ទុក សមត្ថកិច្ច​ជំនាញ​ពាក់​ពន្ធ័​ក្នុង​ខេត្ត​មណ្ឌលគីរី រក្សា​ភាព​ស្ងៀមស្ងាត់​។​

ប្រភពពីមន្រ្តីតូចតាចម្នាក់ ប្រចាំការនៅតាមដងផ្លូវសុំមិនបញ្ចេញឈ្មោះ បានលួចខ្សឹបប្រាប់អ្នកសារព័ត៌មានយើងឲ្យដឹងថា៖ ឈ្មួញឈើឈ្មោះ រិទ្ធ ដឹកជញ្ជូនឈើទៅលក់នៅប្រទេសវៀតណាម គឺដឹកបានដោយរលូន ព្រោះថាមានអ្នករត់ការគ្រប់ច្រកល្ហកអស់ហើយ ដើម្បីឲ្យរក្សាភាពស្ងៀម ស្ងាត់ដើម្បីខ្លួនដឹកឈើបានដោយរលួន នៅក្នុងខេត្ដមណ្ឌលគីរី ឆ្លងដែនចេញទៅលក់ប្រទេសវៀតណាម។

ប្រភពបានអោយដឹងទៀតថា ឈ្មួញឈើដឹកជញ្ជូនឈើចេញទៅប្រទេសវៀតណាមគឺនៅពេលយប់ គេដឹកជញ្ជូនឈើចេញទៅជាច្រើនគ្រឿង គឺដឹកបានយ៉ាងរលូន គ្មានមន្រ្តីជំនាញណាម្នាក់ ហ៊ានបង្ក្រាបនោះឡើយ ចំពោះឈ្មួលឈើ ឈ្មោះ រិទ្ធ រូបនេះ។

ជុំវិញករណីខាងលើនេះអង្គភាមិនអាចសុំការបំភ្លឺពីសាមុីភាគី ក៍ដូចជាអាជ្ញាធរនិងសមត្ថកិច្ចពាក់ពន្ធ័បាននៅឡើយទេ។

អង្គភាពសារព័ត៌មានយើងនឹងផ្សាយជាបន្ដបន្ទាប់ប្រសិនបើមានការពន្យល់ពីសាមុីភាគីឬបកស្រាយពីអាជ្ញាធរពាក់ពន្ធ័ណាមួយរៀងរាល់ពសារព័ត៌មានយើងម៉ោងធ្វើការ៕095396668












Monday, September 18, 2023

ឯកឧត្តម គឹម សន្តិភាព៖ ក្រសួងយុត្តិធម៌សម្រេចផ្អាកចំណាត់ការទៅតុលាការពាក់ព័ន្ធករណីលោក ព្រំ សាន មួយរយៈពេលសិន

ចំនួនអ្នកទស្សនា: Views

 


ភ្នំពេញ៖ ឯកឧត្តម គឹម សន្តិភាព រដ្ឋលេខាធិការក្រសួងក្រសួងយុត្តិធម៌សូមជម្រាបជូនសាធារណជនជ្រាបថា ដោយទទួលបានគោលការណ៍ដឹកនាំរបស់ឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ ខ្ញុំសូមបញ្ជាក់ជូនថាក្រសួងយុត្តិធម៌សម្រេចចិត្តផ្អាកចំណាត់ការទៅតុលាការពាក់ព័ន្ធករណីលោក ព្រំ សាន មួយរយៈពេលសិន។
ឯកឧត្តម គឹម សន្តិភាពបន្ថែមថា ក្រសួងយុត្តិធម៌នឹងបន្តតាមដានរាល់ព័ត៌មានទាំងឡាយណាដែលមានចរិតជាការបរិហារកេរ្តិ៍លើស្ថាប័នរបស់រដ្ឋបែបនេះ៕