ឯកឧត្ដម តូច ប៉ូលីវ៉ា អញ្ជើញចូលរួមក្នុងសន្និបាតបូកសរុបការងារបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២

 

ចេញផ្សាយ ថ្ងៃទី23 ខែមិថុនាឆ្នាំ២០២២

(ស្វាយរៀង) ៖ ឯកឧត្ដម តូច ប៉ូលីវ៉ា អភិបាលរងខេត្តស្វាយរៀង តំណាងឯកឧត្តម ម៉ែន វិបុល អភិបាលខេត្ត នាព្រឹកថ្ងៃពុធ ៨រោច ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២២ខែមិថុនា ឆ្នាំ២០២២ បានអញ្ជើញចូលរួមក្នុងសន្និបាតបូកសរុបការងារបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ក្រោមអធិបតីភាព ឯកឧត្តម ឯម សូផាត សមាជិក គ.ជ.ប នៅរោងភាពយន្តក្រុងស្វាយរៀង។

កិច្ចប្រជុំនេះមានការចូលរួមពី លោក ឯម សុត ប្រធានគណៈកម្មការរៀបចំការបោះឆ្នោតខេត្តស្វាយរៀង កងកម្លាំងទាំង៣ លោកអភិបាល អភិបាលរង នាយករដ្ឋបាលសាលាក្រុងស្រុកទាំង៨ លោកប្រធានមន្ទីរព័ត៌មានខេត្ត លោកប្រធានមន្ទីរផែនការខេត្ត លោកប្រធានលេខាធិការដ្ឋានរៀបចំការបោះឆ្នោតខេត្តស្វាយរៀង និងសហការរី តំណាងគណបក្សនយោបាយ លោក លោកស្រីតំណាងអង្គការ-សមាគម ពាក់ព័ន្ធមួយចំនួនទៀត ៕ជា រដ្ឋា