ដោយ ៖ គេហទំព័រ RTN Asian TV online
ខេត្ដស្វាយរៀង ៖នៅរសៀលថ្ងៃសុក្រ ៣ រោច ខែកត្តិក ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១១ ខែវិច្ឆិកា ឆ្នាំ២០២២ នេះ នៅអធិការដ្ឋាននគរបាលស្រុកស្វាយទាប បានប្រារព្ធពិធីប្រ កាស តែងតាំងមុខដំណែងអធិការស្ដីទីនៃអធិការដ្ឋាននគរបាលស្រុកស្វាយទាប ដោយ លោកវរសេនីយ៍ទោ សោម សារ៉ន អត្តលេខ ៣៦៤៧៤ ឋាន អធិការរង ឲ្យទទួលភារកិច្ចថ្មី ជាអធិការស្តីទី នៃអធិការដ្ឋាននគរបាលស្រុកស្វាយទាប ជំនួសលោកវរសេនីយ៍ឯក កែវ សុភ័ណ្ឌ ដែលទទួលមរណ:ភាព កាលពីថ្ងៃទី០២ ខែវិច្ឆិកា ឆ្នាំ២០២២ ក្រោមអធិបតីភាព លោក លោកឧត្តមសេនីយ៍ត្រី អ៊ុក សំអៀង ស្នងការរងនគរបាលខេត្ត តំណាងដ៍ខ្ពង់ខ្ពស់លោកឧត្តមសេនីយ៍ត្រី ពេជ្រ វីរៈ ស្នងការនគរបាលខេត្ត និង លោក ផាន់ បូរ៉ា អភិបាលរង នៃគណៈអភិបាលស្រុកស្វាយទាប តំណាងដ៍ខ្ពង់ខ្ពស់លោកអភិបាលស្រុកស្វាយទាប ។
ក្នុងពិធីនេះដែរ មានការអញ្ជើញចូលរួមពី៖ស្នងការរង នគរបាលខេត្ត,លោក នាយរងការិយាល័យបុគ្គលិក,លោក មេបញ្ជាការរងកងរាជអាវុធហត្ថស្រុក តំណាងលោកមេបញ្ជាការ,លោក មេបញ្ជាការរងផ្នែកសឹងរងស្រុក តំណាងលោកមេបញ្ជាការ,លោក នាយ នាយរងការិយាល័យ ព្រមទាំងក្រុមការងារថ្នាក់ខេត្ត, លោកមេបញ្ជាការរង សេនាតូច៦១១,លោក លោកស្រីអធិការរងគ្រប់រូប, លោក លោកស្រី មេឃុំទាំង០៩ឃុំ,លោក លោកស្រី នាយ នាយរងផ្នែក គ្រប់ផ្នែក ,លោក លោកស្រី នាយប៉ុស្ដិ៍ទាំង០៩
សរុបវត្តមានចូលរួមចំនួន ៥៦ នាក់ ស្រី ០៥ នាក់ ។
នៅក្នុងឱកាសនោះដែរលោកឧត្តមសេនីយ៍ត្រី អ៊ុក សំអៀង ស្នងការរងនគរបាលខេត្ត បានផ្ដាំផ្ញើរ ដល់លោកអធិការស្ដីទី ដែលទទួលបានដំណែងថ្មីនេះ នូវចំណុចសំខាន់ៗដូចជា៖ លោកអធិការស្ដីដែលទើបនឹងចូលកាន់មុខតំណែងថ្មី ត្រូវមានការគិតគូរ ពីផលប្រយោជន៍ជាតិ និងប្រជាជនជាធំ និងចូលរួមលើកកម្ពស់ការផ្ដល់សេវាសាធារណៈទាំងសេវាតម្រូវការ និងសេវាសំណូមពរ ជូនប្រជាពលរដ្ឋឱ្យបានល្អប្រសើរ និងមានប្រសិទ្ធភាព ថែរក្សាពង្រឹងសន្តិភាព ស្ថិរភាពនយោបាយ សន្តិសុខសណ្ដាប់ធ្នាប់សាធារណៈ ផ្សព្វផ្សាយច្បាប់ចរាចរណ៍ ការបង្ការទប់ស្កាត់ និងបង្ក្រាបបទល្មើសនានា ដូចជាការជួញដូរ ការប្រើប្រាស់គ្រឿងញៀន ក្មេងទំនើង និងការលេងល្បែងស៊ីសងខុសច្បាប់គ្រប់ប្រភេទ ដែលកើតមានឡើងក្នុងដែនសមត្ថកិច្ចរបស់ខ្លួន ឱ្យបានតឹងរឹង និងម៉ឺងម៉ាត់ ៕ដោយ ជា រដ្ឋា
No comments:
Post a Comment