កម្លាំងជំនាញការិយាល័យប្រឆាំងគ្រឿង​ញៀន ឃាត់ខ្លួនជនសង្ស័យចំនួន ០២នាក់ ករណីជួញដូរ រក្សាទុក និងប្រើ​ប្រាស់ថ្នាំញៀន

 

  
ខេត្តមណ្ឌលគិរី ៖ ដោយអនុវត្តន៍តាមបទបញ្ជាយ៉ាងម៉ឺងម៉ាត់ពីលោកឧត្តម​សេ​នី​យ៍ទោ ស្នងការនគរបាលខេត្ត ក្នុងការទប់ស្កាត់ និងបង្រ្កាបបទល្មើសគ្រឿងញៀនក្នុងទូទាំងខេត្តមណ្ឌលគិរី នៅថ្ងៃទី០២ ខែមករា ឆ្នាំ២០២៤ វេលាម៉ោង១០ និង៣៩ នាទី កម្លាំងជំនាញការិយាល័យប្រឆាំ​ងគ្រឿង​ញៀន បានសហការជាមួយ កម្លាំងការិ​យាល័យអន្តរាគមន៍ កម្លាំងជំនាញ នៃអធិការដ្ឋាននគរបា​លស្រុកកោះញែក និងប៉ុស្តិ៍នគរបាលរដ្ឋបាលឃុំស្រែសង្គម ស្រុកកោះញែក ខេត្ត​ម​ណ្ឌលគិរី បានចុះបង្រ្កាបករណីជួញដូរ រក្សាទុក និងប្រើ​ប្រាស់ថ្នាំញៀន ឃាត់ខ្លួនជនសង្ស័យចំនួន ០២នាក់ នៅត្រង់ចំណុចផ្លូវបំបែក ចូលឡទឹកត្រី ស្ថិតនៅភូមិអូរយេះ ឃុំស្រែសង្គម ស្រុកកោះញែក ខេត្តម​ណ្ឌ​លគិរី ដោយមានការចូលរួមពីលោក វង្ស វឌ្ឍន ជំទប់​ទី១ ឃុំស្រែសង្គម, លោក កុយ សីម មេភូ​មិ​រង្សី និងមានការសម្របសម្រួលពីលោក ស៊ា​វ ងីឈាន់ ព្រះរាជអាជ្ញារង អមសាលាដំបូងខេត្តមណ្ឌលគិរី។
ក្នុងកិច្ចសហប្រតិបត្តិការនេះ កម្លាំងសមត្ថកិច្ចបានឃាត់ខ្លួនជនសង្ស័យចំនួន ០២នាក់ ៖ ១-ឈ្មោះ ធី ធារ៉ា ភេទប្រុស អាយុ២៣ឆ្នាំ ជនជាតិខ្មែរ សញ្ជាតិខ្មែរ មុខរបរកម្មករ រស់នៅភូមិរង្សី ឃុំស្រែសង្គម ស្រុកកោះញែ​ក ខេត្តមណ្ឌលគិរី បានធ្វើតេស្តរកសារធាតុញៀនក្នុងទឹកម៉ូត ជាលទ្ធផលវិជ្ជមាន (+) ។ ២-ឈ្មោះ យ៉ាត ចំរើន ភេទប្រុស អាយុ​៤០​ឆ្នាំ ជនជាតិខ្មែរ សញ្ជាតិខ្មែរ មុខរបរមិនពិតប្រា​កដ រស់នៅភូមិ១ ឃុំឡាមិញ ស្រុកបរកែវ ខេត្តរតនគិរី បានតេស្តរកសាធាតុញៀនលទ្ធផលវិជ្ជមាន (+) ។
វត្ថុតាងដកហូតរួមមាន ៖ 
-ក្រាមពណ៌សថ្លា សង្ស័យជាសារធាតុញៀនចំនួន ០២កញ្ចប់តូច ទម្ងន់ ០.៥​៣ ក្រាម ថ្លឹងទាំងសំបក
-ទូរស័ព្ទចំនួន ០២គ្រឿង (ម៉ាក iPhone ពណ៌ស និងម៉ាក OPPO ពណ៌ខ្មៅ) 
-ម៉ូតូចំនួន ០១គ្រឿង ម៉ាក sirius ពណ៌​ខ្មៅ​លាយក្រហម ។
បច្ចុប្បន្នជនសង្ស័យរួមនឹងសម្ភារៈវត្ថុតាង ត្រូវបានកម្លាំងជំនាញការិយាល័យប្រឆាំងគ្រឿង​ញៀន និងកម្លាំងជំនាញ នៃអធិការដ្ឋាននគរបាលស្រុកកោះញែក កំពុងកសាងសំណុំរឿងទៅតុលាការចាត់ការតាមនីតិវិធីច្បាប់៕ប្រភពស្នងការនគរបាលជាតិ