ខេត្តមណ្ឌលគិរី៖ ក្រុមប្រជាពលរដ្ឋបានឱ្យដឹងថា នៅក្នុងអំឡុងជិតមួយខែហើយ គិតត្រឹមខែមិថុនាឆ្នាំ២០២៤នេះ ស្រុកកែវសីមាក៍ចាប់ផ្តើមធ្វើការដឹកជញ្ជូនឈើយ៉ាងពេញបន្ទុកសារជាថ្មីឡើងវិញ។
ក្នុងនោះមានឈ្មួញឈើធំម្នាក់ប្រចាំស្រុកកែវសីមាខេត្តមណ្ឌលគិរី និងមានអ្នកសាព័ត៌មានមួយចំនួនតូច នៅចាំបើករថយន្តរត់តាមក្រោយរថយន្តដឹកឈើ ឬហៅថាបិទគូថរថយន្តដឹកបទល្មើសព្រៃឈើសម្រួលឈើទាំងនេះឆ្លងដែនយកទៅលក់នៅប្រទេសវៀតណាម ដោយឈ្មួញឈើទាំងនោះជាអ្នក ជួលអ្នកកាសែតប៉ុន្មានអ្នកនេះ ឱជួបចាំសម្របសម្រួលដល់អ្នកកាសែតផ្សេងទៀត ដែលតាមប្រម៉ាញ់យកលុយឈើល្មើសច្បាប់ ទាំងនេះ។
បើតាមការលើកឡើងឱ្យដឹងពីប្រជាពលរដ្ឋថា រថយន្តដែលកំពុងធ្វើចរាចរណ៍ដឹកជញ្ជូនឈើទាំងនេះ ជារថយន្តម៉ាក camry កាមរីហើមកាត់កែខ្លួនរថយន្តផ្នែកខាងលើ មានចំនួន២គ្រឿង ដឹកជញ្ជូនឈើទាំងយប់ទាំងថ្ងៃចេញពីចំណុចភូមិអូរត្រូន ឃុំស្រែព្រះ ស្រុកកែវសីមា ខេត្តមណ្ឌលគិរី។ ដឹកជញ្ជូនឈើតាមផ្លូវ ទីបញ្ជាការផ្នែកសឹករងកែវសីមា តាមផ្លូវគ្រោះក្រហមរឺហៅថាផ្លូវគីឡូ៤0 ឆ្ពស់តាមផ្លូវជាតិលេខ៧៦ ចុះទៅផ្លូវចំការកៅស៊ូវៀតណាម ឆ្លងទៅទឹកដីវៀតណាមតែម្តង។
ជាក់ស្តែង ឈ្មួញឈើធំម្នាក់នេះបច្ចុប្បន្នគេកំពុងប្តូរូបភាពឈ្មោះអ្នកជំនួញថ្មី គឺពួកគេបានប្រើឈ្មោះកូនចៅរបស់គេ ថាជាឈ្មួញឈើបច្ចុប្បន្ន តែរូបគេត្រូវបានលាក់ឈ្មោះមួយរយៈ ពេលសិន។ ទោះជាយ៉ាងណាក៍ដោយ អ្នកភូមិនិយាយថា ឈ្មូញឈើធំម្នាក់នេះក្នុងរយៈពេលដ៍ខ្លីខាងមុខនេះ ពួកគាត់នឹងបញ្ចេញឈ្មោះពិតជូនដល់អ្នកកាសែតឱ្យស្គាល់ហើយ។
លោក ប៉ៃ លិន មេបញ្ជាការមូលដ្ឋានកងរាជអាវុធហត្ថស្រុកកែវសីមា នៅព្រឹកថ្ងៃទី៣០ ខែមិថុនា នេះលោកបានអោយគេហទំព័រ rtn asian-tvonline ដឹងថា ពាក់ករណីរថយន្ត កាមរីកែទ្រុងដឹកឈើឆ្លងដែនខុសច្បាប់ ទាំង២គ្រឿងនេះ លោកនិងបញ្ជាកម្លាំងកងរាជអាវុធហត្ថស្រុកកែវសីមា ដើម្បីចុះទប់ស្កាត់ មិនតែប៉ុណ្ណោះបើក្រុមឈ្មួញទាំងនេះនៅតែគរគ្លើន ធ្វើការដឹកជញ្ជូនបទល្មើសព្រៃឈើទាំងជំហរ បែកនេះទៀត លោកនិងប្រើវិធានការក្តៅឈានដល់ធ្វើការបង្ក្រាបតែម្តង៕
*អង្គភាពយើងខ្ញុំធ្វើការផ្សព្វផ្សាយនេះទៅតាម វិជ្ជាជីវៈរិះគន់ក្នុងន័យស្ថាបនា មិនមានចេតនាញុះញង់បំបែកបាក់បុគ្គលស្ថាប័ន ឬមួយអង្គភាពណាមួយឡើយ៕
No comments:
Post a Comment