ឯកឧត្តម សួន សុម៉ាលីន និងលោកជំទាវ អញ្ជើញចូលរួមក្នុងពិធីបុណ្យប្រគេនទៀនចំណាំព្រះវស្សា ដល់ព្រះសង្ឃគង់ចាំព្រះវស្សាចំនួន ៣០វត្ត ក្នុងស្រុកពាមជរ

 

(ព្រៃវែង) ៖ ព្រឹកថ្ងៃសៅរ៍ ១៥ កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែកក្កដា ឆ្នាំ២០២៤
ឯកឧត្តម សួន សុម៉ាលីន អភិបាល នៃគណ: អភិបាលខេត្តព្រៃវែង និងលោកជំទាវ រួមជាមួយថ្នាក់ដឹកនាំ នៃខេត្តព្រៃវែង បានអញ្ជើញចូលរួមក្នុងពិធីបុណ្យប្រគេនទៀនចំណាំព្រះវស្សា ដល់ព្រះសង្ឃគង់ចាំព្រះវស្សាចំនួន ៣០វត្ត ក្នុងស្រុកពាមជរ ដើម្បីឧទ្ទិសមហាកុសលជូនដល់ដួងវិញ្ញាណក្ខន្ធ សម្តេចអគ្គមហាធម្មពោធិសាល ជា សុីម និងលោកជំទាវ ញ៉ែម សឿន ជាសុីម និងបុព្វការីជន ព្រមទាំងញាតកាទាំងប្រាំពីរសន្ដាន ដែលបានចែកឋានទៅលោកខាងមុខ ក្រោមអធិបតីភាពដ៏ខ្ពង់ខ្ពស់ ឯកឧត្តម ជា សុមេធី រដ្ឋមន្រ្តីក្រសួងសង្គមកិច្ច អតីតយុទ្ធជន និងនីតិសម្បទា និងលោកជំទាវ ជា ផល្គុន នៅវត្តឧត្តមសាគរ(វត្តព្រែកក្របៅ) ស្ថិតក្នុងឃុំព្រែកក្របៅ ស្រុកពាមជរ ខេត្តព្រៃវែង។