ប៉ូលិស ខណ្ឌ ៧ មក រា ឆ្មក់ បង្ក្រាប ទីតាំង ល្បែងស៊ីសងមួយ កន្លែង ឃាត់ខ្លួន មនុស្ស ប្រុស ស្រី ០៨ នាក់…..

រាជធានីភ្នំពេញ៖ កាលពីវេលាម៉ោង ៤ ល្ងាច ថ្ងៃទី ៤ ខែកក្កដា ឆ្នាំ ២០២៤ កម្លាំងគណៈបញ្ជាឯកភាពខណ្ឌ ៧ មករា ដឹកនាំដោយលោក ណុប ផា អភិបាលរងខណ្ឌ បានធ្វើការឆ្មក់ចុះបង្ក្រាបទីតាំងល្បែងស៊ីសងខុសច្បាប់មួយកន្លែង ដែលមានទីតាំងស្ថិតនៅចំណុចផ្ទះលេខ 31Eoz ផ្លូវលេខ 134 សង្កាត់មនោរម្យ ខណ្ឌ ៧ មករា។ ប្រតិបត្តិការនេះ ធ្វើឡើងក្រោមបទបញ្ជាផ្ទាល់របស់លោក ថេង សុថុល អភិបាលខណ្ឌ ៧ មករា ដែលបានដឹកនាំកម្លាំងសមត្ថកិច្ចចុះបង្ក្រាបទីតាំងល្បែងស៊ីសងខុសច្បាប់នេះ ដោយផ្អែកលើប្រភពព័ត៌មានពីមន្ត្រីជំនាញ និងការស្រាវជ្រាវយ៉ាងហ្មត់ចត់ ដែលបានបញ្ជាក់ថាទីតាំងនេះពិតជាបានបើកដំណើរការល្បែងស៊ីសងខុសច្បាប់ដូចជា ជល់មាន់អនឡាញ បៀរក្រាត និងផ្សេងៗទៀត។
ក្នុងអំឡុងពេលនៃប្រតិបត្តិការ កម្លាំងសមត្ថកិច្ចបានរកឃើញវត្ថុតាំងសំខាន់ៗជាច្រើន ដែលបញ្ជាក់ពីអត្តសញ្ញាណនៃការប្រព្រឹត្តបទល្មើសល្បែងស៊ីសង។ ក្នុងនោះ រួមមានកុំព្យូទ័រចំនួន ៦ គ្រឿង និងទូរទស្សន៍ចំនួន ២ គ្រឿង ដែលត្រូវបានប្រើប្រាស់សម្រាប់បម្រើដល់អាជីវកម្មល្បែងស៊ីសងខុសច្បាប់នេះ។
ជាលទ្ធផល កម្លាំងសមត្ថកិច្ចបានឃាត់ខ្លួនមនុស្សប្រុសស្រីចំនួន ៨ នាក់ ដែលជាប់ពាក់ព័ន្ធនឹងការរៀបចំ និងដំណើរការល្បែងស៊ីសងខុសច្បាប់នេះ។ បុគ្គលទាំងនេះ ត្រូវបានសមត្ថកិច្ចនាំយកទៅសាកសួរ និងចាត់ការតាមនីតិវិធីច្បាប់។ ក្នុងការសាកសួរ សមត្ថកិច្ចនឹងធ្វើការស្រាវជ្រាវបន្ថែម ដើម្បីកំណត់អត្តសញ្ញាណអ្នកដែលនៅពីក្រោយបទល្មើសនេះ និងទំនាក់ទំនងរបស់ពួកគេជាមួយបណ្តាញល្បែងស៊ីសងខុសច្បាប់ផ្សេងទៀត។

ក្រោយ បញ្ចប់ ប្រតិបត្តិការ កម្លាំង បាន នាំ យក មនុស្ស ប្រុស ស្រី ចំនួន ០៨ នាក់ នឹង វត្ថុ តាង យក ទៅ អធិការដ្ឋាន នគរបាល ខណ្ឌ ៧ មក រា ដើម្បី សួរនាំ កសាង សំណុំរឿង បញ្ជូន ទៅ តុលាការ ចាត់ការ តាម នីតិវិធី ។
គួរ រំលឹក ផង ដែរ ថា កាលពី រសៀល ថ្ងៃ ទី ០១ ខែកក្កដា ឆ្នាំ ២០២៤ នៅ សាលា រាជធានី ភ្នំពេញ លោក ឃួ ង ស្រេង អភិបាល រាជធានី ភ្នំពេញ និង ជា ប្រធាន គណៈ បញ្ជាការ ឯកភាព រាជធានី ភ្នំពេញ បាន មាន ប្រសាសន៍ ក្នុង កិច្ចប្រជុំ គណៈ បញ្ជាការ ឯកភាព រាជធានី ភ្នំពេញ បាន សង្កត់ធ្ងន់ ថា ចំពោះ ល្បែងស៊ីសង គ្រប់ ប្រភេទ ត្រូវ តែ លប់ បំបាត់ មិន ត្រូវ ឲ្យ មាននៅ ក្នុង មូលដ្ឋាន របស់ ខ្លួន ដាច់ខាត ! តាម រយៈ ការ ពង្រឹង ពី មួយ ថ្ងៃ ទៅ មួយ ថ្ងៃ ឲ្យ បាន ខ្លាំង ដើម្បី ឈាន ទៅ លុប បំបាត់ ឲ្យ អស់ ៕ខ្លាឃ្មុំទឹកកក