អាជ្ញាធរខេត្តសៀមរាប បានជួយសង្គ្រោះ អ្នករងរបួស និងចូលរួមរំលែកទុក្ខយ៉ាងក្រៀមក្រំ ចំពោះគ្រួសារសព នៅក្នុងគ្រោះធម្មជាតិ

ខេត្តសៀមរាប៖អាជ្ញាធរខេត្តសៀមរាបបានសំដែងនូវ រំលែកទុក្ខយ៉ាងក្រៀមក្រំ ចំពោះគ្រួសារសព នៅក្នុងគ្រោះធម្មជាតិ និងបានជួយសង្គ្រោះជនរងគ្រោះ ក្នុងឧបហេតុនេះផងដែរ។

សេចក្តីប្រកាសរបស់អាជ្ញាធរខេត្តសៀមរាប ធ្វើឡើង នៅថ្ងៃពុធទី២៤ ខែកក្កដា ឆ្នាំ២០២៤ នេះ បន្ទាប់ពីមានឧបទ្ទេវហេតុគ្រោះធម្មជាតិខ្យល់កន្ត្រាក់ បណ្តាលឱ្យរលំដើមឈើមួយដើម សង្កត់រូបចម្លាក់មួយចំនួន និងប្រជាពលរដ្ឋឆ្លងកាត់នៅចំណុចខ្លោងទ្វារទន្លេអុំ ស្ថិតនៅភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប កាលពីថ្ងៃទី 23 ខែកក្កដា ឆ្នាំ 2024 ម្សិលមិញ៕