លោកឧត្តមសេនីយ៍ទោ ឈឿន ប៊ុនឆន អញ្ជើញចូលរួមជាមួយក្រុមសម្ព័ន្ធមេត្រីភាព ចុះសួរសុខទុក្ខ និងនាំយកអំណោយ ចែកជូនដល់គណ:បញ្ជាការនគរបាលជាតិប្រចាំទិសភូមិភាគទី៤

ខេត្តព្រៃវែង ៖ ថ្ងៃសុក្រ ១រោច ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១១ ខែកក្កដា ឆ្នាំ២០២៥ លោកឧត្តមសេនីយ៍ទោ ឈឿន ប៊ុនឆន ស្នងការ នៃស្នងការដ្ឋាននគរបាលខេត្តព្រៃវែង បានដឹកនាំលោកស្នងការរង និងមន្ត្រីនគរបាលដែលជាក្រុមម្ព័ន្ធមេត្រី ភាព នៃស្នងការដ្ឋាននគរបាលខេត្តព្រៃវែង អញ្ជើញចុះសំណេះសំណាល សួរសុខទុក្ខ និងនាំយកអំណោយ ជាគ្រឿងឧបភោគ បរិភោគទៅចែកជូនដល់កម្លាំងវរនគរបាលវរការពារព្រំដែនគោកដែលកំពុងឈរជើងនៅសមរភូមិជួរមុខ នៅទីបញ្ជាការនគរបាលជាតិប្រចាំទិសភូមិភាគទី៤ ព្រះវិហារ ដឹកនាំដោយលោកឧត្តមសេនីយ៍ទោ ឈឿន សុចិត្ដ ស្នងការនគរបាលខេត្តកណ្ដាល និងជាតំណាងគណប្រតិភូសម្ព័ន្ធមាត្រីភាព តំណាងដ៏ខ្ពង់ខ្ពស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ។