ប្រជាពលរដ្ឋបរទេសដើមកំណើតខ្មែរ និងពលរដ្ឋខ្មែររស់នៅប្រទេសកូរ៉េខាងត្បូង , អូស្ត្រាលីធ្វើបាតុកម្មតវ៉ាប្រឆាំងការប្រើទ័ពឈ្លានពានរបស់ថៃ

  កូរ៉េខាង-អូស្ត្រាលី ៖ ពលរដ្ឋអូស្ត្រាលីដើមកំណើតខ្មែរ ពលរដ្ឋខ្មែររាប់រយនាក់ បានប្រមូលផ្ដុំគ្នានៅខាងមុខរដ្ឋសភាអូស្រ្ដាលី (Australia) ក្នុងទីក្រុង ម៉ែលប៊ន (Melbourne) នៅថ្ងៃអាទិត្យ ទី២៧ ខែកក្កដា នេះ ដើម្បីប្រឆាំងទៅនឹងការប្រើប្រាស់កម្លាំងកងទ័ពរបស់ប្រទេសថៃ ឈ្លានពានទឹកដីកម្ពុជា។
ពួកគាត់បាននាំគ្នាស្រែកព្រមគ្នាថា «Cambodia needs Peace. ឬមានន័យថា ប្រទេសកម្ពុជាត្រូវការសន្ដិភាព»
នេះបើតាមរូបភាពផ្ដល់ឱ្យដោយលោក ថា ថៃ និងផ្សាយដោយវិទ្យបរទេសផ្សាយជាភាសាខ្មែរនៅថ្ងៃទី២៧ខែកក្កដានេះ ។
ក្នុងន័យដូចជាគ្នាដែរ ប្រជាពលរដ្ឋបរទេសដើមកំណើតខ្មែរ ពលរដ្ឋខ្មែររស់នៅរដ្ឋធានីសេអ៊ូល ប្រទេសកូរ៉េខាងត្បូងនាព្រឹកថ្ងៃអាទិត្យទី២៧ខែកក្កដាឆ្នាំ២០២៥ នេះដែរ បានប្រមូលផ្ដុំគ្នាធ្វើបាតុកម្មប្រឆាំងទៅនឹង” ការឈ្លានពានរបស់ថៃ លើទឹកដីកម្ពុជា ក៏ដូចជាបានប្រកាសពីការឈ្លានពាននេះ “ ទៅកាន់ពិភពលោក ។
បាតុកម្មនោះដែរ ក៏មានវត្តមានចូលរួមដោយលោកស្រីមូរ សុខហួ អនុប្រធានអតីតគណបក្សសង្គ្រោះជាតិ និងសកម្មជនជាគណបក្សប្រឆាំងផងដែរ ៕