លោក ហូ ប្រុស រស់នៅភូមិផ្សោតក្រោម ឃុំផ្សោត ស្រុកព្រែកប្រសព្វ ខេត្តក្រចេះ បានប្រាប់វិទ្យុជាតិកម្ពុជាឲ្យដឹងថា កន្លង មកមន្ទីរកសិកម្មខេត្តបានផ្តល់ផ្ទះសំណាញ់ ចំនួន១រោងនិងការបណ្តុះ បណ្តាល ពីវិធីសាស្រ្តនៃការដាំដុះបន្លែ ក្នុងរោងសំណាញ់ឲ្យឆាប់ទទួលបានផល ពិសេសចងក្រងជាក្រុមកសិករ ជាបណ្ដុំអាជីវកម្មបន្លែ សម្រាប់ផលិតផលបន្លែលក់ឲ្យក្រុមហ៊ុន ដែលបានធ្វើកិច្ចសន្យាទិញ ដើម្បីធានានិរន្តរភាពទាំងការផលិតនិងការបញ្ជាទិញ។លោកបន្តថា រហូតមក ដល់បច្ចុប្បន្ននេះ មានរយ:ពេល៣ឆ្នាំហើយ ដែលលោកបានប្រកបមុខរបរដាំខាត់ណាផ្កា ខាត់ណាដើម និងស្ពៃក្តោបក្នុងផ្ទះសំណាញ់នេះ ឃើញថាដាំលូត លាស់បានល្អ មិនពិបាកថែទាំឡើយ មិនទទួលរងសត្វល្អិតចង្រៃយាយី ចំណាយជីតិច ទិន្នផលខ្ពស់ ដាំដុះបានគ្រប់រដូវកាល ពិសេសលក់បានតម្លៃសមរម្យ គឺខាត់ណាផ្កា និងខាត់ណាដើម មានតម្លៃ ៥៥០០រៀលក្នុង១គីឡូក្រាម និងស្ពៃក្តោបតម្លៃ៤៥០០រៀល ក្នុ១គីឡូក្រាម។
លោកបន្តទៀតថា ដោយសារទទួលបានភាពជោគជ័យខ្ពស់ទាំងបរិមាណនិងគុណ ភាព ពិសេសមានទីផ្សារល្អ ទើបលោកមាន លទ្ធភាពអាចពង្រីកផ្ទះសំណាញ់ រហូតបានចំនួន៣រោង ដោយផ្ទះសំណា ញ់ ១ រោងទំហំ៣២០ម៉ែត្រការ៉េ។
«ពីដំបូងឡើយយើងមានគម្រោងកម្មវិធីអាស់ស្ប៉ាយហ្នឹងដែលមន្ទីរកសិកម្មផ្តល់ផ្ទះសំណាញ់ឲ្យយើង១រោងក្រោយមកយើងដាំដុះ១ហ្នឹងទៅឃើញថាទិន្នផលក៏វាបានច្រើន ការដាំដុះក្នុងហ្នឹងទៀតគឺចំណេញពេលវេលានិងយើងដាំបានរហូត ទើបឥឡូវនេះយើងមានផ្ទះសំណាញ់៣ហើយ»។
លោកបញ្ជាក់ថា ខាត់ណាផ្កា ខាត់ណាដើម ប្រើរយ:ពេលដាំដុះតែជាង២០ថ្ងៃប៉ុណ្ណោះ អាចលក់ចេញបាន ដោយសារយើងបណ្ដុះកូនរួចជាស្រេច ទើបដាំក្នុងរោងនោះ ហើយសម្រាប់ស្ពៃក្តោបវិញ ប្រើរយ:ពេល២ខែទើបអាចប្រមូលផលបាន ៕ដោយ:ហាន់ ស្រីណា
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBMFBRQWc9PSIsImV4cCI6bnVsbCwicHVyIjoiYmxvYl9pZCJ9fQ==--a809ee735ab575f5cb222f4e2cd4479eadfce047/AC30D388-BE65-48BB-B27A-18A9789.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMExRQWc9PSIsImV4cCI6bnVsbCwicHVyIjoiYmxvYl9pZCJ9fQ==--ac7c882e430dd2d953eb75e79d76fa7571f1a005/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/195D34F6-DA28-47AE-8271-4FAD641.jpeg)
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBMFhRQWc9PSIsImV4cCI6bnVsbCwicHVyIjoiYmxvYl9pZCJ9fQ==--9b04c7773fe02a561dc360f7efb873872cdf2e7a/35D34F0C-FB54-4BAF-9EB1-03808CB.jpeg)
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBMFRRQWc9PSIsImV4cCI6bnVsbCwicHVyIjoiYmxvYl9pZCJ9fQ==--a53b7296af59b74edb71290afaf1f604603b05b8/0EB80217-E7DB-4F3E-9FCA-EBF961F.jpeg)
No comments:
Post a Comment