ឡដុតធ្យូង ជាបទល្មើសទន្ទានព្រៃឈើធម្មជាតិ ជាបទល្មើសកម្រឹតធំទី២ បន្ទាប់ពីបទល្មើសដោយឡែក!

 

ខេត្តសៀមរាប ៖ឡដុតធ្យូងគឺជាកន្លែងដែលបំផ្លាញធនធានឈើមួយដែល អាជ្ញាធរមិនបង្ក្រាប ពីព្រោះពួកគាត់អត់យកឈើធំៗមកដុតទេ ប៉ុន្តែពួកគាត់ទៅកាប់ឈើតូចៗមកដុតធ្វើធ្យូង ជួនកាលបញ្ហានេះមើលទៅជាបញ្ហាធម្មតា និងសាមញ តែវាជាវិនាសកម្មមួយបើយើងមិនបានយកចិត្តទុកដាក់។
ជាក់ស្តែងក្រុមអ្នកសារព័ត៌មានយើងបានបានចុះទៅផ្តិតយករូបភាព នៅក្នុងដែនជម្រកសត្វ អភិរក្សបឹងពែ ស្ថិតនៅភូមិអូរមាស ឃុំខ្វាវ ស្រុកជីក្រែង ខេត្តសៀមរាប នៅវេលាម៉ោង០៥និង៣០នាទីថ្ងៃទី២២ខែវិច្ចកាឆ្នាំ២០២២ នៅចំណុចខាងលើជាទីលានបំផ្លាញបទល្មើសទ្រុងទ្រាយធំ(ឡដុតធ្យូង)ប្រចាំឃុំខ្វាវ ដោយអាជ្ញាធរនិងជំនាញរក្សា បានយ៉ាងស្ងៀមស្ងាត់។
ឡដុតធ្យូងក្នុងមួយថ្ងៃបំផ្លាញព្រៃឈើរាប់រយម៉ែត្រគូប គឺជាបញ្ហាមួយ ដែលបណ្តាលឲ្យមានការព្រួយបារម្ភណ៍យ៉ាងខ្លាំង ខណ:ពេលដែលឃើញសកម្មភាព ឡដុតធ្យូងមានការកើនឡើងគួរសម្គាល់នៅចំណុចខាងលើ វាជាករណីបំផ្លាញព្រៃឈើយ៉ាងរង្គាល ពីមានវិធានការការពារទប់ស្កាត់ ស្របពេលគំនរឈើគំនរធ្យូង ត្រៀមដឹកជញ្ជូនលក់ឲ្យឈ្មួញដែលមកពីតាមបណ្តាស្រុក និងខេត្តដើម្បីនាំចេញទៅលក់បន្ត៕