អភិបាលស្រុកស្ទោងណែនាំដល់មន្ត្រីក្រោមឱវាទត្រូវយកចិត្តទុកដាក់ដល់សុខទុក្ខសុខុមាលភាព ជនពិការ ប្រជាពលរដ្ឋក្រីក្រនិងងាយរងហានិភ័យ

(ខេត្តកំពង់ធំ ) : លោកសាយ គឹមឡម បានធ្វើការណែនាំដូច្នេះនៅក្នុងឱកាសដែលលោកនិងសហការីព្រមទាំងតំណាង "អង្គការស្អាតកម្ពុជា " បានអញ្ជើញចែកអំណោយមនុស្សធម៌ជូនដល់ប្រជាពលរដ្ឋងាយរកហានិភ័យចំនួន ៧០គ្រួសារនៅក្នុងឃុំទ្រា ស្រុកស្ទោង ខេត្តកំពង់ធំ កាលពីព្រឹកថ្ងៃទី ៨ខែវិច្ឆិកាឆ្នាំ ២០២៤។

ជាមួយគ្នានេះ លោកបានកោតសរសើរនិងថ្លែងអំណរគុណព្រមទាំងស្វាគមន៍យ៉ាងកក់ក្តៅដល់ "អង្គការស្អាតកម្ពុជា"ដែលតែងតែមានទំនាក់ទំនងនិងសហការល្អជាមួយរដ្ឋបាលស្រុកស្ទោងក្នុងការធ្វើកិច្ចការមនុស្សធម៌កន្លងមកជាពិសេសការចូលរួមចែកអំណោយមនុស្សធម៌ដល់ប្រជាពលរដ្ឋដែលរងគ្រោះដោយទឹកជំនន់នារដូវវស្សាកន្លងមកដែលមានរហូតដល់ទៅ ៣លើកនៅក្នុងពេលនេះ
ដែលជាគុណតម្លៃមិនអាចកាត់ថ្លៃបាន។

លើសពីនេះ លោកបានណែនាំដល់ប្រជាពលរដ្ឋក្នុងមូលដ្ឋានក៏ដូចជាប្រជាកសិករដែលតែងតែ ព្រោះស្រូវមិនប្រកាន់រដូវត្រូវចេះពិនិត្យសង្កេយមើលស្ថានភាពអាកាសធាតុក៏ដូចជាស្ថានភាពទឹកស្ទឹងស្ទោងឲ្យនបានត្រឹមត្រូវជាក់លាក់ចៀសវាងការជនលិចខូចជាយក្សថាហេតុដែលខ្ញុំឲ្យខាតបង់ផលប្រយោជន៍បងប្អូនហើយប៉ះពាល់ដល់សេដ្ឋកិច្ចគ្រួសារថែមទៀត។

ជាចុងបញ្ចប់លោកបានអំពាវនាវដល់ប្រជាកសិករ
សូមបង្កើនការដាំដុះ និងផលិតផលកសិកម្មនានាជុំវិញគេហដ្ឋានជាពិសេសអ្នកនៅតាមដងស្ទឹងស្ទោងដែលនឹងជួយឲ្យសុខភាពបានរឹងមាំនិងសេដ្ឋកិច្ចគ្រួសាររបស់បងប្អូនឲ្យបានធូរធារមួយកម្រិតថែមទៀត។

សូមបញ្ជាក់ផងដែរថា ប្រជាពលរដ្ឋទាំង ៧០គ្រួសារខាងលើក្នុងមួយគ្រួសារៗទទួលបាននូវអង្ករ១បេ និងត្រីខរ១យួរផងដែរ។