រដ្ឋមន្ត្រីក្រសួងកសិកម្ម ចាត់តំណាងនាំយកបន្លែស្រស់ៗចំនួន២តោន ជូនបងប្អូនប្រជាពលរដ្ឋ ដែលបាន ជម្លៀសខ្លួន ពីតំបន់ ដែលមានហានិភ័យស្ថិតក្នុងស្រុកជាំក្សាន្ត មកស្នាក់នៅបណ្ដោះអាសន្ននៅវត្តពោធិ ៥០០០!

ខេត្តព្រះវិហារ៖អនុវត្តតាមអនុសាសន៍ណែនាំដ៏ខ្ពង់ខ្ពស់របស់ សម្តេចតេជោ ហ៊ុន សែន ប្រធានព្រឹទ្ធសភា នៅព្រឹកថ្ងៃទី២៤ ខែកក្កដា ឆ្នាំ២០២៥នេះ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានចាត់តាំង លោក ពឹង ទ្រីដា ប្រធានមន្ទីរកសិកម្ម ខេត្តព្រះវិហារ ជាតំណាងចុះជួបសំណេះសំណាល សាកសួរសុខទុក្ខ និងនាំយកអំណោយជាបន្លែស្រស់ៗចំនួន២តោន ទៅផ្ដល់ជូនបងប្អូនប្រជាពលរដ្ឋ ដែលបាន ជម្លៀសខ្លួន ពីតំបន់ ដែលមានហានិភ័យស្ថិតក្នុងស្រុកជាំក្សាន្ត មកស្នាក់នៅបណ្ដោះអាសន្ននៅវត្តពោធិ ៥០០០ ដើម  ស្ថិតក្នុង ភូមិ គូលែនត្បូង ឃុំគូលែនត្បូង ស្រុកគូលែន ខេត្តព្រះវិហារ ដែល បាន ប្រព្រឹត្តទៅ ក្រោមវត្តមាន លោក សុខ សាន្តតារ៉ា អភិបាលរងខេត្តព្រះវិហារ។ដោយ សាយ ប៊ុនលី  ភ្នាក់ងារប្រចាំខេត្តព្រះវិហារ